ਪੈਟਰੋਨਾਸ ਅਲਬਰਟਾ ਵਿਚ ਏਸ਼ੀਆ ਨੂੰ ਹਾਈਡ੍ਰੋਜਨ ਨਿਰਯਾਤ ਕਰਨਲਈ 1.3 ਬਿਲੀਅਨ ਡਾਲਰ ਦੇ ਪ੍ਰੋਜੈਕਟ ’ਤੇ ਅਧਿਐਨ ਦੀ ਯੋਜਨਾ ਬਣਾ ਰਿਹੈ

ਕੈਲਗਰੀ (ਦੇਸ ਪੰਜਾਬ ਟਾਈਮਜ਼)- ਮਲੇਸ਼ੀਆ ਦੇ ਸਰਕਾਰੀ ਮਾਲਕੀ ਵਾਲੀ ਤੇਲ ਕੰਪਨੀ ਪੈਟਰੋਲੀਅਮ ਨੈਸ਼ਨਲ ਬਰਹਾਦ ਜਾਂ ਪੈਟ੍ਰੋਨਾਸ ਦਾ ਕੈਨੇਡੀਆਈ ਡਵੀਜ਼ਨ, ਏਸ਼ੀਆਈ ਬਾਜ਼ਾਰਾਂ ਵਿਚ ਹਾਈਡ੍ਰੋਜਨ ਇੰਪੋਰਟ ਕਰਨ ਦੇ ਲਈ ਟੀਚੇ ਦੇ ਨਾਲ ਕੇਂਦਰੀ ਅਲਬਰਟਾ ਵਿਚ 1.3 ਬਿਲੀਅਨ ਡਾਲਰ ਪੈਟਰੋਕੈਮਿਕਲ ਪਲਾਂਟ ਦੇ ਨਿਰਮਾਣ ਦਾ ਅਧਿਐਨ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ।
ਪੈਟਰੋਨਾਸ ਐਨਰਜੀ ਕੈਨੇਡਾ ਲਿਮਟਿਡ ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਕਿ ਉਸ ਨੇ ਜਾਪਾਨ ਦੀ ਇਟੋਚੁ ਕਾਰਪੋਰੇਸ਼ਨ ਅਤੇ ਇਕ ਅਣਜਾਣ ਕੈਲਗਰੀ ਆਧਾਰਤ ਪਾਈਪਲਾਈਨ ਕੰਪਨੀ ਨਾਲ ਮਿਲ ਕੇ ਇਸ ਸਹੂਲਤ ’ਤੇ ਇਕ ਵਿਵਹਾਰਕ ਅਧਿਐਨ ਕੀਤਾ ਹੈ ਜੋ ਕਿ ਪ੍ਰਤੀ ਸਾਲ 1 ਮਿਲੀਅਨ ਟਨ ਅਮੋਨੀਆ ਪੈਦਾ ਕਰਨ ਦੀ ਸਮਰੱਥਾ ਰੱਖਦਾ ਹੈ ਜਦੋਂਕਿ ਪ੍ਰਕਿਰਿਆ ਵਿਚ ਪੈਦਾ ਹੋਏ ਕਾਰਬਨ ਨੂੰ ਕੈਪਚਰ ਕੀਤਾ ਜਾਵੇਗਾ।
ਪੈਟਰੋਨਾਸ ਐਨਰਜੀ ਕੈਨੇਡਾ ਦੇ ਪ੍ਰੈਜੀਡੈਂਟ ਅਤੇ ਸੀ. ਈ. ਓ. ਮਾਰਕ ਫਿਜ਼ਗੇਰਾਲਡ ਨੇ ਮੰਗਲਵਾਰ ਨੂੰ ਇਕ ਇੰਟਰਵਿਊ ਵਿਚ ਕਿਹਾ ਕਿ ਅਮੋਨੀਆ ਹਾਈਡ੍ਰੋਜਨ ਦੀ ਆਵਾਜਾਈ ਲਈ ਇਕ ਬਹੁਤ ਹੀ ਪ੍ਰਭਾਵਸ਼ਾਲੀ ਸਾਧਨ ਹੈ।