International
ਮਲੇਸ਼ੀਆ ‘ਚ ਵੱਡਾ ਹਾਦਸਾ, ਹਵਾ ‘ਚ ਟਕਰਾਏ 2 ਮਿਲਟਰੀ ਹੈਲੀਕਾਪਟਰ, 10 ਜਣਿਆਂ ਦੀ ਮੌਤ
ਮਲੇਸ਼ੀਆ ਤੋਂ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਇੱਥੇ ਦੋ ਹੈਲੀਕਾਪਟਰ ਵਿਚਕਾਰ ਹਵਾ ਵਿੱਚ ਟਕਰਾ ਗਏ। ਇਸ ਘਟਨਾ ‘ਚ ਹੁਣ ਤੱਕ 10 ਲੋਕਾਂ ਦੇ ਮਾਰੇ ਜਾਣ ਦੀ ਖਬਰ ਹੈ। ਦੋਵੇਂ ਹੈਲੀਕਾਪਟਰ ਫੌਜ ਦੇ ਦੱਸੇ ਜਾ ਰਹੇ ਹਨ। ਇਹ ਘਟਨਾ ਮਲੇਸ਼ੀਆ ਦੇ ਲੁਮੁਟ ਸ਼ਹਿਰ ਦੀ ਹੈ। ਇਸ ਵਿੱਚ ਕੁੱਲ ਦਸ ਕਰੂ ਮੈਂਬਰ ਸਨ, ਮੁੱਢਲੀ ਜਾਣਕਾਰੀ ਮੁਤਾਬਕ ਕੋਈ ਵੀ ਨਹੀਂ ਬਚਿਆ।
ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਮਲੇਸ਼ੀਆ ਦੀ ਰਾਇਲ ਮਲੇਸ਼ੀਅਨ ਨੇਵੀ ਦੇ ਸਾਲਾਨਾ ਸਮਾਗਮ ਦੀ ਰਿਹਰਸਲ ਚੱਲ ਰਹੀ ਸੀ। ਇਹ ਰਾਇਲ ਮਲੇਸ਼ੀਅਨ ਨੇਵੀ (RMN) ਬੇਸ ‘ਤੇ ਹੋਇਆ, ਜਿੱਥੇ ਆਉਣ ਵਾਲੇ ਤਿਉਹਾਰਾਂ ਦੇ ਪ੍ਰੋਗਰਾਮ ਲਈ ਰਿਹਰਸਲ ਚੱਲ ਰਹੀ ਸੀ। ਇਕ ਬੁਲਾਰੇ ਨੇ ਨਿਊ ਸਟ੍ਰੇਟਸ ਟਾਈਮਜ਼ ਨੂੰ ਦੱਸਿਆ ਕਿ ਫਾਇਰ ਬ੍ਰਿਗੇਡ ਕਰਮਚਾਰੀ ਇਸ ਸਮੇਂ ਪੀੜਤਾਂ ਨੂੰ ਕੱਢਣ ਦੀ ਪ੍ਰਕਿਰਿਆ ਵਿਚ ਹਨ।