ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਸਈਦ ਅਹਿਮਦ ਦਾ ਦੇਹਾਂਤ

ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਸਈਦ ਅਹਿਮਦ ਦਾ 86 ਸਾਲ ਦੀ ਉਮਰ ਵਿੱਚ ਲਾਹੌਰ ਵਿੱਚ ਦੇਹਾਂਤ ਹੋ ਗਿਆ। ਸਈਦ ਨੇ 1958 ਤੋਂ 1973 ਦਰਮਿਆਨ ਪਾਕਿਸਤਾਨ ਲਈ 41 ਟੈਸਟ ਮੈਚਾਂ ਵਿੱਚ ਹਿੱਸਾ ਲਿਆ, ਜਿਸ ਵਿੱਚ 40.41 ਦੀ ਔਸਤ ਨਾਲ 2991 ਦੌੜਾਂ ਬਣਾਈਆਂ। ਇਸ ਆਲਰਾਊਂਡਰ ਨੇ ਆਪਣੇ ਪੂਰੇ ਕਰੀਅਰ ਦੌਰਾਨ ਪੰਜ ਸੈਂਕੜੇ ਲਗਾਏ, ਜਿਨ੍ਹਾਂ ਵਿੱਚੋਂ ਤਿੰਨ ਸੈਂਕੜੇ ਭਾਰਤ ਦੇ ਖਿਲਾਫ ਹਨ। ਉਸ ਨੇ ਆਪਣਾ ਪਹਿਲਾ ਮੈਚ ਪਾਕਿਸਤਾਨ ਲਈ 20 ਸਾਲ ਦੀ ਉਮਰ ਵਿੱਚ ਵੈਸਟਇੰਡੀਜ਼ ਖਿਲਾਫ ਖੇਡਿਆ ਸੀ।