Canada
ਅਲਬਰਟਾ ਸਰਕਾਰ ਵਲੋਂ ਬਜ਼ੁਰਗਾਂ ਦੀ ਮਾਨਸਿਕ ਸਿਹਤ ਸਹਾਇਤਾ ਨੂੰ ਵਧਾਉਣ ਲਈ ਫੰਡਿੰਗ ਦਾ ਐਲਾਨ ਕੀਤਾ
ਅਲਬਰਟਾ (ਦੇਸ ਪੰਜਾਬ ਟਾਈਮਜ਼)- ਅਲਬਰਟਾ ਸਰਕਾਰ ਬਜ਼ੁਰਗਾਂ ਲਈ ਮਾਨਸਿਕ-ਸਿਹਤ ਸਹਾਇਤਾ ਨੂੰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਵਿੱਚ ਸਥਾਨਕ ਸੰਸਥਾਵਾਂ ਨਾਲ ਭਾਈਵਾਲੀ ਕਰ ਰਹੀ ਹੈ। ਪ੍ਰੋਵਿੰਸ ਅਲਬਰਟਾ ਦੇ ਬਜ਼ੁਰਗਾਂ ਲਈ ਮਾਨਸਿਕ-ਸਿਹਤ ਅਤੇ ਨਸ਼ਾ ਮੁਕਤੀ ਪ੍ਰੋਗਰਾਮਾਂ ਨੂੰ ਬੇਹਤਰ ਬਣਾਉਣ ਲਈ ਚਾਰ ਸੰਸਥਾਵਾਂ ਨੂੰ ਦੋ ਸਾਲਾਂ ਵਿੱਚ $6.3 ਮਿਲੀਅਨ ਦੇਣ ਦਾ ਵਾਅਦਾ ਕੀਤਾ ਗਿਆ ਹੈ। ਯੂਨਾਈਟਿਡ ਵੇ ਕੈਲਗਰੀ ਐਂਡ ਏਰੀਆ, ਇਮੇਜਿਨ ਇੰਸਟੀਚਿਊਟ ਫਾਰ ਲਰਨਿੰਗ, ਕੈਲਗਰੀ ਦੀ ਕੈਰੀਆ ਸੋਸਾਇਟੀ ਅਤੇ ਅਲਬਰਟਾ ਐਲਡਰ ਐਬਿਊਜ਼ ਅਵੇਅਰਨੈਸ ਕਾਉਂਸਿਲ ਹਰੇਕ ਨੂੰ ਸਰਕਾਰ ਵਲੋਂ ਫੰਡ ਜਾਰੀ ਕੀਤਾ ਜਾਏਗਾ।
ਮਾਨਸਿਕ ਸਿਹਤ ਅਤੇ ਨਸ਼ਾਖੋਰੀ ਦੇ ਐਸੋਸੀਏਟ ਮੰਤਰੀ ਮਾਈਕ ਐਲਿਸ ਨੇ ਮੰਗਲਵਾਰ ਨੂੰ ਇੱਕ ਨਿਊਜ਼ ਕਾਨਫਰੰਸ ਵਿੱਚ ਕਿਹਾ, “ਹਰ ਕਿਸੇ ਨੂੰ ਨਸ਼ੇ ਅਤੇ ਮਾਨਸਿਕ-ਸਿਹਤ ਦੀਆਂ ਚੁਣੌਤੀਆਂ ਤੋਂ ਮੁੜ ਉਭਰਨ ਦਾ ਮੌਕਾ ਮਿਲਣਾ ਚਾਹੀਦਾ ਹੈ ਅਤੇ ਇਸ ਵਿੱਚ ਬਜ਼ੁਰਗ ਵੀ ਸ਼ਾਮਲ ਹਨ। ਊਨਾ ਕਿਹਾ ਕਿ “ਅਸੀਂ ਸਾਰੇ ਬਜ਼ੁਰਗਾਂ ਨੂੰ ਸਿਹਤਮੰਦ ਅਤੇ ਤੰਦਰੁਸਤ ਰਹਿਣ ਵਿਚ ਮਦਦ ਕਰਨ ਲਈ ਮਿਲ ਕੇ ਕੰਮ ਕਰ ਰਹੇ ਹਾਂ ਜਿਨ੍ਹਾਂ ਨੇ ਸਾਡੇ ਸੂਬੇ ਨੂੰ ਬਹੁਤ ਕੁਝ ਦਿੱਤਾ ਹੈ ।”
ਯੂਨਾਈਟਿਡ ਵੇ ਕੈਲਗਰੀ ਅਤੇ ਏਰੀਆ ਨੂੰ ਹੈਲਥੀ ਏਜਿੰਗ ਅਲਬਰਟਾ ਨਾਮਕ ਘਰੇਲੂ-ਅਧਾਰਤ ਨਿੱਜੀ, ਮਨੋਵਿਗਿਆਨਕ ਅਤੇ ਮਾਨਸਿਕ-ਸਿਹਤ ਪ੍ਰੋਗਰਾਮ ਲਈ $3.2 ਮਿਲੀਅਨ ਪ੍ਰਾਪਤ ਹੋਣਗੇ, ਜਦੋਂ ਕਿ ਇਮੇਜਿਨ ਇੰਸਟੀਚਿਊਟ ਫਾਰ ਲਰਨਿੰਗ ਨੂੰ ਇਸਦੀ ਮਾਨਸਿਕ ਸਿਹਤ ਫਸਟ ਏਡ ਨੂੰ ਜਾਰੀ ਰੱਖਣ ਲਈ $1.5 ਮਿਲੀਅਨ ਪ੍ਰਾਪਤ ਹੋਣਗੇ। ॥