Punjab
ਬਲਾਤਕਾਰ ਤੇ ਕਤਲ ਦੇ ਦੋਸ਼ੀ ਨੇਪਾਲੀ ਨੌਕਰ ਨੂੰ 25 ਸਾਲ ਕੈਦ
ਗੁਰਦਾਸਪੁਰ- ਕਰੀਬ ਢਾਈ ਸਾਲ ਪਹਿਲਾਂ 84 ਸਾਲਾ ਬਿਰਧ ਔਰਤ ਨਾਲ ਬਲਾਤਕਾਰ ਕਰਨ ਪਿੱਛੋਂ ਕਤਲ ਕਰਨ ਦੇ ਕੇਸ ਵਿੱਚ ਸੈਸ਼ਨ ਕੋਰਟ ਨੇ ਨੇਪਾਲੀ ਨਾਗਰਿਕ ਨੂੰ 25 ਸਾਲ ਦੀ ਸਖ਼ਤ ਕੈਦ ਤੇ ਉਸ ਪਿੱਛੋਂ ਉਮਰ ਕੈਦ ਦੀ ਸਜ਼ਾ ਦਾ ਫ਼ੈਸਲਾ ਸੁਣਾਇਆ ਹੈ। ਦੋਸ਼ੀ ਸਤਿੰਦਰ ਰਾਊਤ ਦੇ ਖ਼ਿਲਾਫ਼ ਥਾਣਾ ਭੈਣੀ ਮੀਆਂ ਖਾਂ ਵਿੱਚ 20 ਮਾਰਚ 2019 ਨੂੰ ਇਸ ਘਟਨਾ ਬਾਰੇ ਇਕੱਠੇ ਦੋ ਕੇਸ ਦਰਜ ਕੀਤੇ ਗਏ ਸਨ।
ਪੁਲਸ ਰਿਕਾਰਡ ਮੁਤਾਬਕ ਨੇਪਾਲੀ ਮੂਲ ਦਾ ਨੌਕਰ ਸਤਿੰਦਰ ਰਾਊਤ ਥਾਣਾ ਭੈਣੀ ਮੀਆਂ ਖਾਂ ਹੇਠਲੇਇੱਕ ਪਿੰਡ ਦੇ ਸਰਪੰਚ ਦੇ ਘਰ ਕੰਮ ਉੱਤੇ ਲੱਗਾ ਸੀ। ਇਸੇ ਦੌਰਾਨ 19-20 ਮਾਰਚ ਦੀ ਰਾਤ ਨੂੰ ਉਹ ਇੱਕ ਘਰ ਵਿੱਚ ਦਾਖ਼ਲ ਹੋਇਆ ਅਤੇ 84 ਸਾਲਾ ਬਿਰਧ ਔਰਤ ਨੂੰ ਹਵਸ ਦਾ ਸ਼ਿਕਾਰ ਬਣਾਇਆ ਅਤੇ ਫੇਰ ਕਤਲ ਕਰ ਦਿੱਤਾ। 20 ਮਾਰਚ ਨੂੰ ਸੂਚਨਾ ਮਿਲੀ ਤਾਂ ਪੁਲਸ ਨੇ ਮੌਕੇ ਉੱਤੇ ਪਹੁੰਚ ਕੇ ਲਾਸ਼ ਕਬਜ਼ੇ ਵਿੱਚ ਲੈ ਕੇ ਦੋਸ਼ੀ ਸਤਿੰਦਰ ਰਾਊਤ ਨੂੰ ਉਸੇ ਦਿਨ ਗ਼੍ਰਿਫ਼ਤਾਰ ਕਰ ਲਿਆ। ਸੈਸ਼ਨ ਜੱਜ ਰਮੇਸ਼ ਕੁਮਾਰੀ ਦੀ ਅਦਾਲਤ ਵਿੱਚ ਇਸ ਕੇਸ ਦੀ ਸੁਣਵਾਈ ਕੋਵਿਡ-19 ਬੰਦਸ਼ਾਂ ਕਾਰਨ ਬਹੁਤਾ ਕਰ ਕੇ ਵਰਚੂੁਅਲ ਕੀਤੀ ਗਈ। ਆਪਣੇ ਫ਼ੈਸਲੇ ਵਿੱਚ ਸੈਸ਼ਨ ਜੱਜ ਨੇ ਕਿਹਾ, ‘‘ਇਹ ਬੇਹੱਦ ਘਿਨਾਉਣਾ ਹੈ।” ਸਰਕਾਰੀ ਵਕੀਲ ਵੱਲੋਂ ਫਾਂਸੀ ਦਿੱਤੇ ਜਾਣ ਦੀ ਮੰਗ ਨੂੰ ਉਨ੍ਹਾਂ ਨੇ ਨਹੀਂ ਮੰਨਿਆ। ਨੇਪਾਲੀ ਮੂਲ ਦੇ ਦੋਸ਼ੀ ਨੂੰ 10 ਸਾਲ ਕੈਦ ਅਤੇ ਦਸ ਹਜ਼ਾਰ ਜੁਰਮਾਨਾ ਕੀਤਾ ਹੈ। ਇਸ ਤੋਂ ਇਲਾਵਾ ਧਾਰਾ 376 (1) ਹੇਠ ਦੋਸ਼ੀ ਨੂੰ 15 ਸਾਲ ਦੀ ਕੈਦ ਤੇ 10 ਹਜ਼ਾਰ ਰੁਪਏ ਹੋਰ ਜੁਰਮਾਨਾ ਕੀਤਾ ਅਤੇ ਦੋਸ਼ੀ ਨੂੰ ਉਮਰ ਕੈਦ ਦੀ ਸਜ਼ਾ ਵੀ ਸੁਣਾਈ ਗਈ ਹੈ।