ਗੈਂਗਸਟਰ ਲਾਰੈਂਸ ਦੀ ਟਾਰਗੇਟ ਲਿਸਟ ‘ਚ ਟਾਪ ‘ਤੇ ਸਲਮਾਨ ਖਾਨ ਦਾ ਨਾਮ

ਗੈਂਗਸਟਰ ਲਾਰੈਂਸ ਨੇ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ ਦੀ ਹਿਰਾਸਤ ‘ਚ ਕਈ ਵੱਡੇ ਖੁਲਾਸੇ ਕੀਤੇ ਹਨ। ਉਸ ਨੇ ਆਪਣੇ ਟਾਪ ਟਾਰਗੇਟ ਲਿਸਟ ਦਾ ਖੁਲਾਸਾ ਕੀਤਾ ਹੈ। ਇਸ ਸੂਚੀ ਵਿੱਚ ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਅਤੇ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੀ ਮੈਨੇਜਰ ਸ਼ਗਨਪ੍ਰੀਤ ਵੀ ਸ਼ਾਮਲ ਹੈ। ਇਸ ਦੇ ਨਾਲ ਹੀ ਲਾਰੈਂਸ ਨੇ ਫੰਡਿੰਗ ਦੇ ਤਰੀਕੇ ਵੀ ਦੱਸੇ ਹਨ। ਇੰਨਾ ਹੀ ਨਹੀਂ ਅਤੀਕ-ਅਸ਼ਰਫ ਦੇ ਕਤਲ ‘ਚ ਲਾਰੇਂਸ ਦਾ ਨਾਂ ਵੀ ਜੁੜਣਾ ਸ਼ੁਰੂ ਹੋ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਹਿਰਨ ਸ਼ਿਕਾਰ ਮਾਮਲੇ ਤੋਂ ਬਾਅਦ ਤੋਂ ਹੀ ਲਾਰੇਂਸ ਸਲਮਾਨ ਖਾਨ ਨੂੰ ਲਗਾਤਾਰ ਖੁੱਲ੍ਹੀ ਚੁਣੌਤੀ ਦੇ ਰਹੇ ਹਨ। ਇਸ ਤੋਂ ਇਲਾਵਾ ਆਪਣੇ ਸਾਥੀ ਵਿਕਰਮਜੀਤ ਉਰਫ ਵਿੱਕੀ ਮਿੱਡੂਖੇੜਾ ਦੇ ਕਤਲ ਕੇਸ ਵਿੱਚ ਲਾਰੈਂਸ ਮੂਸੇਵਾਲਾ ਦੇ ਮੈਨੇਜਰ ਸ਼ਗਨਪ੍ਰੀਤ ਸਿੰਘ ਨੂੰ ਮੁੱਖ ਦੋਸ਼ੀ ਮੰਨਦਾ ਹੈ। ਇਹੀ ਕਾਰਨ ਹੈ ਕਿ ਉਸ ਨੇ ਸਿੱਧੂ ਮੂਸੇਵਾਲਾ ਨੂੰ ਵੀ ਮਾਰਿਆ ਅਤੇ ਸ਼ਗਨਪ੍ਰੀਤ ਸਿੰਘ ਵੀ ਉਸ ਦੀ ਟਾਪ ਲਿਸਟ ਵਿੱਚ ਹੈ। ਇਸ ਦੇ ਨਾਲ ਹੀ ਯੂਪੀ ਦੇ ਬਾਹੂਬਲੀ ਅਤੀਕ ਅਹਿਮਦ ਅਤੇ ਅਸ਼ਰਫ ਦੇ ਕਤਲ ਵਿੱਚ ਵੀ ਲਾਰੇਂਸ ਦਾ ਨਾਮ ਆ ਰਿਹਾ ਹੈ। ਦਰਅਸਲ, ਜਿਗਾਨਾ ਪਿਸਤੌਲ ਜਿਸ ਨਾਲ ਅਤੀਕ ਅਤੇ ਅਸ਼ਰਫ ਨੂੰ ਗੋਲੀ ਮਾਰੀ ਗਈ ਸੀ, ਉਹ ਅਮਰੀਕਾ ਤੋਂ ਆਈ ਸੀ।

ਲਾਰੈਂਸ ਨੇ ਐਨਆਈਏ ਨੂੰ ਜਾਣਕਾਰੀ ਦਿੱਤੀ ਹੈ ਕਿ ਉਸ ਨੇ ਸਾਲ 2021 ਵਿੱਚ ਅਮਰੀਕਾ ਤੋਂ ਗੋਲਡੀ ਬਰਾੜ ਰਾਹੀਂ ਗੋਗੀ ਗੈਂਗ ਨੂੰ ਦੋ ਜਿਗਾਨਾ ਪਿਸਤੌਲ ਦਿੱਤੇ ਸਨ। ਲਾਰੇਂਸ ਨੇ ਐਨਆਈਏ ਨੂੰ ਦੱਸਿਆ ਕਿ ਉਹ ਜੇਲ੍ਹ ਵਿੱਚ ਬੈਠ ਕੇ ਆਪਣਾ ਨੈੱਟਵਰਕ ਚਲਾ ਰਿਹਾ ਸੀ। ਲਾਰੈਂਸ ਨੇ ਦੱਸਿਆ ਕਿ ਉਸ ਨੇ ਰਾਜਸਥਾਨ ਦੇ ਭਰਤਪੁਰ, ਪੰਜਾਬ ਦੇ ਫਰੀਦਕੋਟ ਅਤੇ ਹੋਰ ਜੇਲ੍ਹਾਂ ਵਿੱਚ ਰਹਿੰਦਿਆਂ ਇੱਕ ਵਾਰ ਰਾਜਸਥਾਨ ਦੇ ਕਾਰੋਬਾਰੀਆਂ, ਚੰਡੀਗੜ੍ਹ ਦੇ 10 ਕਲੱਬ ਮਾਲਕਾਂ, ਅੰਬਾਲਾ ਦੇ ਮਾਲ ਮਾਲਕਾਂ, ਸ਼ਰਾਬ ਕਾਰੋਬਾਰੀਆਂ, ਦਿੱਲੀ ਅਤੇ ਪੰਜਾਬ ਦੇ ਸੱਟੇਬਾਜ਼ਾਂ ਤੋਂ ਕਰੋੜਾਂ ਰੁਪਏ ਇਕੱਠੇ ਕੀਤੇ ਸਨ।