ਅਲਬਰਟਾ ‘ਚ ਕੋਰੋਨਾਵਾਇਰਸ ਦੇ 42 ਹੋਰ ਕੇਸ ਮਿਲੇ, ਕੁਲ ਗਿਣਤੀ 301 ਤੱਕ ਪਹੁੰਚੀ

ਕੈਲਗਰੀ, ਕੈਨੇਡਾ ‘ਚ ਵੀ ਤੇਜ਼ੀ ਨਾਲ ਪੈਰ ਪਸਾਰ ਰਹੇ ਕੋਰੋਨਾਵਾਇਰਸ ਨਾਲ ਅਲਬਰਟਾ ‘ਚ ਵੀ ਵਧ ਰਹੇ ਪੀੜਤ ਮਰੀਜ਼ਾਂ ਦੀ ਗਿਣਤੀ ਅੱਜ ਹੁਣ ਤੱਕ 301 ਹੋ ਚੁੱਕੀ ਹੈ, ਜਿਸ ‘ਚ 42 ਨਵੇਂ ਮਰੀਜ਼ ਪਾਏ ਗਏ ਹਨ । 24 ਮਰੀਜ਼ ਅਜਿਹੇ ਹਨ ਜਿਨ੍ਹਾਂ ‘ਚ ਇਹ ਵਾਇਰਸ ਵਿਅਕਤੀ ਤੋਂ ਵਿਅਕਤੀ ਤੱਕ ਫੈਲਿਆ ਦੱਸਿਆ ਜਾ ਰਿਹਾ ਹੈ। 18 ਲੋਕ ਹਸਪਤਾਲ ‘ਚ ਦਾਖਲ ਹਨ ਜਿਨ੍ਹਾਂ ‘ਚੋਂ 7 ਲੋਕਾਂ ਦੀ ਹਾਲਤ ਬੇਹੱਦ ਗੰਭੀਰ ਦੱਸੀ ਜਾ ਰਹੀ ਹੈ। ਅਲਬਰਟਾ ‘ਚ ਪਿਛਲੇ ਇੱਕ ਹਫਤੇ ਤੋਂ ਕਿਸੇ ਵੀ ਵਿਅਕਤੀ ਮੌਤ ਇਸ ਵਾਇਰਸ ਨਾਲ ਨਹੀਂ ਹੋਈ। ਵੱਖ-ਵੱਖ ਇਲਾਕਿਆਂ ਦੇ ਸਰਵੇਖਣ ਮੁਤਾਬਕ ਕੈਲਗਰੀ ਵਿਚ 188 ਕੇਸ, ਐਡਮਿੰਟਨ ਜ਼ੋਨ ਵਿਚ 68 ਕੇਸ, ਉੱਤਰੀ ਜ਼ੋਨ ਵਿਚ 19 ਮਾਮਲੇ, ਸੈਂਟਰਲ ਜ਼ੋਨ ‘ਚ 17, ਸਾਊਥ ਜ਼ੋਨ ‘ਚ 8, ਅਤੇ 1 ਕੇਸ ਅਣਜਾਣ ਹਿੱਸੇ ‘ਚੋਂ ਪਾਇਆ ਗਿਆ ਹੈ । ਅਲਬਰਟਾ ਸਿਹਤ ਵਿਭਾਗ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਵੀ ਤੁਹਾਨੂੰ ਫੋਨ ਕਰਕੇ ਤੁਹਾਡੇ ਕਰੈਡਿਟ ਕਾਰਡ ਦੀ ਸੂਚਨਾ ਮੰਗਦਾ ਹੈ ਤਾਂ ਤੁਰੰਤ ਐਮਰਜੈਂਸੀ ਨੂੰ ਇਤਲਾਹ ਦਿੱਤੀ ਜਾਵੇ ਤਾਂ ਜੋ ਤੁਹਾਡੇ ਨਾਲ ਕਿਸੇ ਕਿਸਮ ਦਾ ਧੋਖਾ ਨਾ ਹੋ ਸਕੇ ਅਤੇ ਆ ਰਹੇ ਫੋਨਾਂ ‘ਤੇ ਲਿੰਕ ਓਪਨ ਨਾ ਕੀਤੇ ਜਾਣ, ਨਾ ਹੀ ਕੋਈ ਨਿੱਜੀ ਜਾਣਕਾਰੀ ਦਿੱਤੀ ਜਾਵੇ ।