ਅਰਜੁਨ ਐਵਾਰਡੀ ਮਹਿਲਾ ਹਾਕੀ ਟੀਮ ਦੀ ਸਾਬਕਾ ਕਪਤਾਨ ਸੁਨੀਤਾ ਚੰਦਰ ਦਾ ਦੇਹਾਂਤ

ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਸਾਬਕਾ ਕਪਤਾਨ ਅਤੇ ਅਰਜੁਨ ਐਵਾਰਡੀ ਸੁਨੀਤਾ ਚੰਦਰ ਦਾ ਸੋਮਵਾਰ ਸਵੇਰੇ ਦੇਹਾਂਤ ਹੋ ਗਿਆ। ਉਹ 76 ਸਾਲਾਂ ਦੀ ਸਨ।

ਸੁਨੀਤਾ ਦੇ ਬੇਟੇ ਗੌਰਵ ਚੰਦਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਨੀਂਦ ਚ ਆਖਰੀ ਸਾਹ ਲਏ। ਉਨ੍ਹਾਂ ਕਿਹਾ ਕਿ ਕਾਫੀ ਉਮਰ ਹੋ ਜਾਣ ਕਾਰਨ ਉਨ੍ਹਾਂ ਨੂੰ ਕੁਝ ਸਿਹਤ ਸਮੱਸਿਆਵਾਂ ਸਨ। ਉਨ੍ਹਾਂ ਨੇ 1956 ਤੋਂ 1966 ਤੱਕ ਭਾਰਤੀ ਹਾਕੀ ਮਹਿਲਾ ਟੀਮ ਲਈ ਖੇਡਿਆ ਅਤੇ ਇਸ ਦੌਰਾਨ ਉਹ 1963 ਤੋਂ 1966 ਤੱਕ ਟੀਮ ਦੀ ਕਪਤਾਨ ਵੀ ਰਹੀ। ਉਨ੍ਹਾਂ ਦੇ ਦੋ ਪੁੱਤਰ ਹਨ।

ਸੁਨੀਤਾ ਦੇ ਪਤੀ ਯਤੀਸ਼ ਚੰਦਰ ਹਨ, ਜੋ ਇਕ ਸਾਬਕਾ ਭਾਰਤੀ ਪੁਲਿਸ ਸੇਵਾ (ਆਈਪੀਐਸ) ਅਧਿਕਾਰੀ ਹਨ। ਉਨ੍ਹਾਂ ਕਿਹਾ ਕਿ ਮੰਗਲਵਾਰ ਨੂੰ ਉਨ੍ਹਾਂ ਦਾ ਅੰਤਿਮ ਸਸਕਾਰ ਭੋਪਾਲ ਵਿੱਚ ਕੀਤਾ ਜਾਵੇਗਾ।