ਕੈਲਗਰੀ ਦੇ ਰੰਡਲ ਕਮਿਉਨਟੀ ਸੈਂਟਰ ਵਿਖੇ ਖੰਨਾ ਏਰੀਆ ਨਾਈਟ ਮਨਾਈ

ਕੈਲਗਰੀ: ਬੀਤੇ ਸ਼ਨੀਵਾਰ ਜਨਵਰੀ 4, 2020 ਨੂੰ ਕੈਲਗਰੀ ਦੇ ਰੰਡਲ ਕਮਿਉਨਟੀ ਸੈਂਟਰ ਵਿਖੇ ਖੰਨਾ ਏਰੀਆ ਨਾਈਟ ਮਨਾਈ ਗਈ! ਜਿਸ ਵਿੱਚ ਤਕਰੀਬਨ 200 ਪਰਿਵਾਰਕ ਮੈਂਬਰਾਂ ਨੇ ਹਾਜ਼ਰੀ ਭਰੀ! ਸਮਾਗ਼ਮ ਦੀ ਸ਼ੁਰੂਆਤ ਪ੍ਬੰਧਕਾਂ ਅਤੇ ਮਹਿਮਾਨਾਂ ਦੀ ਜਾਣ ਪਛਾਣ ਨਾਲ ਹੋਈ! ਸਮਾਗ਼ਮ ਵਿੱਚ ਬੱਚਿਆਂ ਨੇ ਕਵਿਤਾ,ਗੀਤਾਂ, ਭੰਗੜਾ, ਖੰਨਾ ਏਰੀਆ ਕਵਿਜ਼ ਅਤੇ ਹੋਰ ਖੇ਼ਡਾਂ ਨਾਲ ਹਾਜ਼ਰੀ ਭਰੀ! ਮਰਦਾਂ ਦੇ “ਭੰਗੜਾ ਫ਼ਰੀਜ਼” ਫ਼ਸਵੇਂ ਮੁਕਾਬਲੇ ਵਿੱਚ ਖੰਨਾਂ ਦੇ ਪਰੀਤ ਸਹੋਤਾ ਨੇ ਬਾਜ਼ੀ ਮਾਰੀ! ਜਦੋਂ ਕਿ ਔਰਤਾਂ ਦੇ “ਮਿਉਜ਼ਿਕਲ ਮੁਕਾਬਲੇ ਵਿੱਚ ਜਸਪਰੀਤ ਕੌਰ ਸੰਧੂ ਜੇਤੂ ਰਹੀ! ਬਜ਼ੁਰਗ ਔਰਤਾਂ ਨੇ ਸਿਠਣੀਆਂ ਅਤੇ ਗਿੱਧੇ ਬੌਲੀਆਂ ਨਾਲ ਪਿੜ ਮੱਲਿਆ! ਬੱਚਿਆਂ ਲਈ “ਫੇਸ ਪੇਟਿੰਗ ਅਤੇ ਗੁਬਾਰਿਆਂ ਦਾ ਪ੍ਬੰਧ ਸੀ! ਖਾਣੇ ਵਿੱਚ ਮਹਿਮਾਨਾਂ ਨੇਂ ਚਾਹ, ਸਨੈਕ ਅਤੇ ਅੰਤ ਵਿੱਚ ਡਿਨਰ ਦਾ ਭਰਭੂਰ ਸਵਾਦ ਚੱਖਿਆ! ਅੰਤ ਵਿੱਚ ਸਾਰਿਆਂ ਰੱਲ ਕੇ ਡੀ ਜ਼ੇ ਤੇ ਖੂ਼ਬ ਭੰਗੜਾ ਪਾਇਆ! ਮੈਗ਼ਾ ਡਰਾਅ ਸਮਾਰਟ ਐਲ ਈ ਡੀ ਟੀ ਵੀ ਪਰਮੀਤ ਸਿੰਘ ਨੂੰ ਨਿਕਲਿਆ! ਸਟੇਜ਼ ਸੱਕਤਰ ਦੀ ਸੇਵਾ ਗੁਰਦੀਪ ਸਿੰਘ ਧਾਲੀਵਾਲ ਨੇ ਬਾਖ਼ੂਬੀ ਨਾਲ ਨਿਭਾਈ! ਵਰਨਣਯੋਗ ਹੈ ਕਿ ਇਸ ਸਮਾਗ਼ਮ ਦੀ ਐਂਟਰੀ ਟਿਕਟ ਨਾਂਮਾਤਰ 25 ਡਾਲਰ ਰੱਖ਼ੀ ਗਈ! ਪ੍ਬੰਧਕਾਂ ਅਨੁਸਾਰ ਇਸ ਸਮਾਗ਼ਮ ਲਈ ਕੋਈ ਵੀ ਸਪਾਂਸਰਸ਼ਿਪ ਨਹੀਂ ਲਈ ਗਈ ਅਤੇ ਇਸ ਸਮਾਗ਼ਮ ਨੂੰ ਰਾਜਨੀਤਕ ਪਰਚਾਰ ਤੋਂ ਪਰਾਂ ਰੱਖ਼ ਕੇ ਨਿਰੋਲ ਸਮਾਜਿਕ ਰੱਖਿਆ ਗਿਆ! ਸਮਾਗ਼ਮ ਦੇ ਅੰਤ ਵਿੱਚ ਪ੍ਬੰਧਕਾਂ ਗੁਰਦੀਪ ਸਿੰਘ ਧਾਲੀਵਾਲ,ਪਰਦੀਪ ਸਿੰਘ ਬੈਨੀਪਾਲ, ਸੰਨੀ ਸਵੈਚ,ਰਵਿੰਦਰ ਸਿੰਘ ਮਾਂਗਟ, ਲੱਕੀ ਸਰਾਉ ਅਤੇ ਸੁੱਖੀ ਮਲਹੰਸ ਨੇ ਸਾਰੇ ਮਹਿਮਾਨਾਂ ਦਾ ਹਾਜ਼ਰੀ ਭਰਨ ਲਈ ਧੰਨਵਾਦ ਕੀਤਾ! ਕੁੱਲ ਮਿਲਾ ਕੇ ਇਹ ਸ਼ਾਮ ਯਾਦਗ਼ਾਰੀ ਹੋ ਨਿਬੜੀ! ਪ੍ਬੰਧਕਾਂ ਨੇ ਦੱਸਿਆ ਕਿ ਉਹ ਇਸ ਸਮਾਗ਼ਮ ਸਲਾਨਾ ਕਰਾਉਣ ਦਾ ਟੀਚਾ ਰੱਖ਼ਦੇ ਹਨ!