ਸਿੱਧੂ ਮੂਸੇਵਾਲਾ ਤੇ Sunny Malton ਦਾ ਗੀਤ ‘410’ ਹੋਇਆ ਰਿਲੀਜ਼

ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਫੈਨਜ਼ ਦਾ ਇੰਤਜ਼ਾਰ ਆਖਿਰ ਖਤਮ ਹੋ ਗਿਆ ਹੈ। ਸਿੱਧੂ ਆਪਣੇ ਨਵੇਂ ਗੀਤ ਨਾਲ ਮੁੜ ਤੋਂ ਧੱਕ ਪਾ ਰਿਹਾ ਹੈ। ਸਿੱਧੂ ਦਾ ਛੇਵਾਂ ਗੀਤ 410 ਰਿਲੀਜ਼ ਹੋ ਗਿਆ। ਛੋਟੇ ਸਿੱਧੂ ਦੇ ਆਉਣ ਤੋਂ ਬਾਅਦ ਮੂਸੇਵਾਲਾ ਦਾ ਇਹ ਪਹਿਲਾ ਗੀਤ ਰਿਲੀਜ਼ ਹੋਇਆ ਹੈ। ਇਹ ਗੀਤ ਸਿੱਧੂ ਮੂਸੇਵਾਲਾ ਦੇ ਕਰੀਬੀ ਸਨੀ ਮਾਲਟਨ ਦੇ ਨਿੱਜੀ ਪੇਜ ਤੋਂ ਰਿਲੀਜ਼ ਕੀਤਾ ਗਿਆ। ਇਸ ਦਾ ਟੀਜ਼ਰ ਮੰਗਲਵਾਰ ਨੂੰ ਸੰਨੀ ਮਾਲਟਨ ਦੇ ਯੂਟਿਊਬ ਪੇਜ ‘ਤੇ ਰਿਲੀਜ਼ ਕੀਤਾ ਗਿਆ ਸੀ। ਇਸ ਗੀਤ ਨੂੰ ਰੈਪਰ ਸੰਨੀ ਮਾਲਟਨ ਨੇ ਤਿਆਰ ਕੀਤਾ ਹੈ।

ਦੱਸ ਦੇਈਏ ਕਿ ਗੀਤ ਰਿਲੀਜ਼ ਹੋਏ ਨੂੰ ਅਜੇ ਲਗਭਗ ਅੱਧਾ ਘੰਟਾ ਹੋਇਆ ਹੈ ਤੇ ਵਿਊਜ਼ 2 ਲੱਖ ਦੇ ਕਰੀਬ ਹੋ ਚੁੱਕੇ ਹਨ। ਵਿਊਜ਼ ਲਗਾਤਾਰ ਵਧਦੇ ਜਾ ਰਹੇ ਹਨ। ਕਮੈਂਟ 40 ਤੋਂ 50,000 ਦੇ ਵਿਚ ਆ ਚੁੱਕੇ ਹਨ ਮੌਤ ਤੋਂ ਬਾਅਦ ਸਿੱਧੂ ਦਾ ਇਹ 6ਵਾਂ ਗੀਤ ਹੈ। । ਸਿੱਧੂ ਦੇ ਫੈਨ ਸਿਰਫ ਪੰਜਾਬ ਵਿਚ ਹੀ ਨਹੀਂ ਸਗੋਂ ਪੂਰੀ ਦੁਨੀਆ ਵਿਚ ਹੀ ਹਨ। ਗਾਣੇ ਦਾ ਟਾਈਟਲ ਵੀ ਅੱਜ ਦੀ ਤਰੀਕ ਨਾਲ ਕਾਫੀ ਮੇਲ ਖਾਧਾ ਹੈ। ਅੱਜ 4 ਤਰੀਕ ਤੇ 10ਵਾਂ ਮਹੀਨਾ ਹੈ ਤੇ ਗਾਣੇ ਦਾ ਟਾਈਟਲ ਵੀ 410 ਹੈ।