ਇੰਗਲੈਂਡ ‘ਚ ਹਾਕੀ ਖੇਡਣਗੀਆਂ ਕੈਨੇਡਾ ਦੀਆਂ 2 ਪੰਜਾਬਣ ਖਿਡਾਰਨਾਂ

ਐਬਟਸਫੋਰਡ – ਕੈਨੇਡਾ ‘ਚ ਹਾਕੀ ਦੀ ਪ੍ਰਮੁੱਖ ਸੰਸਥਾ ਫੀਲਡ ਹਾਕੀ ਕੈਨੇਡਾ ਵਲੋਂ 21 ਮਾਰਚ 2024 ਤੋਂ 1 ਅਪ੍ਰੈਲ ਤੱਕ ਇੰਗਲੈਂਡ ਦੇ ਵੇਲਜ਼ ਤੇ ਸਕਾਟਲੈਂਡ ਵਿਖੇ ਹੋ ਰਹੇ ਅੰਡਰ-18 ਲੜਕੀਆਂ ਦੇ ਅੰਤਰਰਾਸ਼ਟਰੀ ਫੀਲਡ ਹਾਕੀ ਮੁਕਾਬਲਿਆਂ ‘ਚ ਹਿੱਸਾ ਲੈਣ ਵਾਲੀ ਟੀਮ ਰੋਸਟਰ ਦਾ ਐਲਾਨ ਕਰ ਦਿੱਤਾ ਹੈ ਜਿਸ ਵਿਚ ਕੈਨੇਡਾ ਦੀਆਂ 2 ਪੰਜਾਬਣ ਖਿਡਾਰਨਾਂ ਨੂੰ ਕੈਨੇਡਾ ਦੀ 20 ਮੈਂਬਰੀ ਲੜਕੀਆਂ ਦੀ ਜੂਨੀਅਰ ਰੋਸਟਰ ਕੌਮੀ ਹਾਕੀ ਟੀਮ ਲਈ ਚੁਣਿਆ ਗਿਆ ਹੈ।

ਕੈਨੇਡਾ ਦੀ 20 ਮੈਂਬਰੀ ਲੜਕੀਆਂ ਦੀ ਜੂਨੀਅਰ ਰੋਸਟਰ ਕੌਮੀ ਹਾਕੀ ਟੀਮ ਵਿਚ 2 ਪੰਜਾਬਣ ਖਿਡਾਰਨਾਂ ਸੁਖਮਨ ਕੌਰ ਹੁੰਦਲ ਅਤੇ ਪ੍ਰਭਨੂਰ ਕੌਰ ਹੁੰਦਲ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਸੁਰਿੰਦਰ ਲਾਇਨਜ਼ ਇੰਡੀਆ ਹਾਕੀ ਕਲੱਬ ਤੇ ਇਰਲ ਮੇਰੀਅਟ ਸੈਕੰਡਰੀ ਸਕੂਲ ਦੀ ਵਿਦਿਆਰਥਣ ਸੁਖਮਨ ਹੁੰਦਲ ਨੇ 7 ਸਾਲ ਦੀ ਉਮਰ ਵਿਚ ਹਾਕੀ ਖੇਡਣੀ ਸ਼ੁਰੂ ਕੀਤੀ ਸੀ ਤੇ ਉਹ ਡਿਫੈਂਸ ਤੇ ਮਿਡਫੀਲਡ ਪੁਜ਼ੀਸ਼ਨ ‘ਤੇ ਹਾਕੀ ਖੇਡਦੀ ਹੈ।