ਸਭ ਤੋਂ ਪਹਿਲਾਂ ਨਿਊਜ਼ੀਲੈਂਡ ‘ਚ ਮਨਿਆ ਨਵੇਂ ਸਾਲ ਦਾ ਜਸ਼ਨ, ਸਕਾਈ ਟਾਵਰ ‘ਤੇ ਹੋਈ ਆਤਿਸ਼ਬਾਜ਼ੀ

ਨਵੇਂ ਸਾਲ ਦੇ ਸਵਾਗਤ ਲਈ ਦੁਨੀਆ ਭਰ ‘ਚ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਕੁਝ ਦੇਸ਼ ਅਜਿਹੇ ਹਨ ਜੋ ਭਾਰਤ ਤੋਂ ਕੁਝ ਘੰਟੇ ਪਹਿਲਾਂ 2024 ਦਾ ਸਵਾਗਤ ਕਰ ਰਹੇ ਹਨ। ਨਵਾਂ ਸਾਲ ਸਭ ਤੋਂ ਪਹਿਲਾਂ ਨਿਊਜ਼ੀਲੈਂਡ ਵਿੱਚ ਮਨਾਇਆ ਗਿਆ। ਜਿਉਂ ਹੀ ਘੜੀ ਦੇ 12 ਵੱਜ ਗਏ, ਆਕਲੈਂਡ ਦਾ ਸਕਾਈ ਟਾਵਰ ਆਤਿਸ਼ਬਾਜ਼ੀ ਨਾਲ ਰੌਸ਼ਨ ਹੋ ਗਿਆ। ਲੋਕ ਆਕਲੈਂਡ ‘ਚ ਨਵੇਂ ਸਾਲ ਦਾ ਸਵਾਗਤ ਕਰਨ ਲਈ ਜਸ਼ਨ ਮਨਾ ਰਹੇ ਹਨ।

ਸਕਾਈ ਟਾਵਰ ‘ਤੇ 10 ਸਕਿੰਟ ਦੀ ਕਾਊਂਟਡਾਊਨ ਤੋਂ ਬਾਅਦ ਆਤਿਸ਼ਬਾਜ਼ੀ ਸ਼ੁਰੂ ਹੋਈ। ਇਹ 5 ਮਿੰਟ ਚੱਲੀ। ਇਸ ਲਈ 6 ਮਹੀਨਿਆਂ ਤੋਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਸਨ। ਇੱਥੇ ਖਰਾਬ ਮੌਸਮ ਦੀ ਸੰਭਾਵਨਾ ਸੀ। ਹਾਲਾਂਕਿ, ਭਾਰੀ ਮੀਂਹ ਦੀ ਚਿਤਾਵਨੀ ਦੇ ਵਿਚਕਾਰ ਲੋਕਾਂ ਨੇ ਨਵਾਂ ਸਾਲ ਮਨਾਇਆ।

ਸ਼ਹਿਰ ਦੇ ਅਧਿਕਾਰੀਆਂ ਮੁਤਾਬਕ ਜਲਦ ਹੀ ਗੁਆਂਢੀ ਆਸਟ੍ਰੇਲੀਆ ਵਿਚ, ਸਿਡਨੀ ਹਾਰਬਰ ਬ੍ਰਿਜ ਵਿਚ ਇੱਕ ਮਸ਼ਹੂਰ ਆਤਿਸ਼ਬਾਜ਼ੀ ਪ੍ਰਦਰਸ਼ਨ ਤੇ ਲਾਈਟ ਸ਼ੋਅ ਦਾ ਕੇਂਦਰ ਬਿੰਦੂ ਬਣ ਜਾਏਗਾ, ਜਿਸ ਨੂੰ ਹਰ ਸਾਲ ਦੁਨੀਆ ਭਰ ਵਿੱਚ 40 ਕਰੋੜ ਤੋਂ ਵੱਧ ਲੋਕ ਵੇਖਦੇ ਹਨ।