International
ਜ਼ਬਤ ਕੀਤੇ ਗਏ ਦਸਤਾਵੇਜ਼ਾਂ ਦੀ ਸਮੀਖਿਆ ਲਈ ਟਰੰਪ ਨੂੰ ਮਾਸਟਰ ਨਿਯੁਕਤ ਕਰਨ ਦੀ ਮਿਲੀ ਮਨਜ਼ੂਰੀ
ਵਾਸ਼ਿੰਗਟਨ- ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਲਈ ਰਾਹਤ ਦੀ ਖ਼ਬਰ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਟਰੰਪ ਦੀ ਟੀਮ ਨੇ ਅਦਾਲਤ ਨੂੰ ਵਿਸ਼ੇਸ਼ ਮਾਸਟਰ ਨਿਯੁਕਤ ਕਰਨ ਦੀ ਬੇਨਤੀ ਕੀਤੀ ਸੀ। ਟੀਮ ਨੇ ਕਿਹਾ ਕਿ ਇਸ ਵਿਸ਼ੇਸ਼ ਮਾਸਟਰ ਨੂੰ ਟਰੰਪ ਦੀ ਰਿਹਾਇਸ਼ ਮਾਰ-ਏ-ਲਾਗੋ ’ਤੇ ਐਫਬੀਆਈ ਦੇ ਛਾਪੇ ਦੌਰਾਨ ਜ਼ਬਤ ਕੀਤੇ ਗਏ ਦਸਤਾਵੇਜ਼ਾਂ ਦੀ ਸਮੀਖਿਆ ਕਰਨੀ ਚਾਹੀਦੀ ਹੈ। ਮਾਮਲੇ ’ਚ ਜੱਜ ਨੇ ਟਰੰਪ ਦੀ ਟੀਮ ਦੀ ਬੇਨਤੀ ਨੂੰ ਸਵੀਕਾਰ ਕਰ ਲਿਆ ਹੈ।ਫਦਰਅਸਲ, 8 ਅਗਸਤ ਨੂੰ ਐਫਬੀਆਈ ਨੇ ਮਾਰ-ਏ-ਲਾਗੋ ਸਥਿਤ ਟਰੰਪ ਦੇ ਨਿਵਾਸ ’ਤੇ ਛਾਪਾ ਮਾਰਿਆ ਸੀ। ਇਸ ਬਾਰੇ ਟਰੰਪ ਨੇ ਕਿਹਾ ਕਿ ਕੁਝ ਹਫ਼ਤੇ ਪਹਿਲਾਂ ਜੋ ਹੋਇਆ, ਉਸ ਤੋਂ ਵੱਡੀ ਅਮਰੀਕੀ ਆਜ਼ਾਦੀ ਦੀ ਕੋਈ ਜ਼ਾਹਰ ਮਿਸਾਲ ਨਹੀਂ ਹੋ ਸਕਦੀ। ਉਸ ਨੇ ਇਸ ਨੂੰ ਅਮਰੀਕੀ ਇਤਿਹਾਸ ਦੀ ਕਿਸੇ ਵੀ ਸਰਕਾਰ ਨਾਲੋਂ ਤਾਕਤ ਦੀ ਜ਼ਿਆਦਾ ਹੈਰਾਨ ਕਰਨ ਵਾਲੀ ਦੁਰਵਰਤੋਂ ਦੱਸਿਆ। ਉਸਨੇ ਕਿਹਾ ਕਿ ਖੋਜ ਇੱਕ ‘ਨਿਆਂ ਦਾ ਮਜ਼ਾਕ’ ਸੀ। ਐਫਬੀਆਈ ਨੇ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਰਿਹਾਇਸ਼ ’ਤੇ ਛਾਪੇਮਾਰੀ ਨੂੰ ਲੈ ਕੇ ਬਿਆਨ ਜਾਰੀ ਕੀਤਾ ਹੈ।