International
ਮਹਿੰਗਾਈ ਕਾਰਨ 16 ਲੱਖ ਅਮਰੀਕੀ ਮੈਕਸਿਕੋ ਪੁੱਜੇ
ਮੈਕਸਿਕੋ- ਮੈਕਸੀਕੋ ਸਿਟੀ ਵਿਚ ਅਮਰੀਕੀਆਂ ਦੀ ਵਧਦੀ ਗਿਣਤੀ ਨਾਲ ਸ਼ਹਿਰ ਦੀ ਮਹਿੰਗਾਈ ਵਧਦੀ ਜਾ ਰਹੀ ਹੈ। ਇਸ ਨਾਲ ਸਥਾਨਕ ਲੋਕਾਂ ਦੀਆਂ ਮੁਸ਼ਕਿਲਾਂ ਵਧ ਗਈਆਂ ਹਨ। ਨਤੀਜੇ ਵਜੋਂ, ਸਥਾਨਕ ਲੋਕ ਜਾਂ ਤਾਂ ਸ਼ਹਿਰ ਛੱਡ ਰਹੇ ਹਨ ਜਾਂ ਸ਼ਹਿਰ ਦੇ ਬਾਹਰੀ ਇਲਾਕਿਆਂ ਵਿਚ ਜਾਣ ਲਈ ਮਜਬੂਰ ਹੋ ਗਏ ਹਨ। ਦਰਅਸਲ, ਅਮਰੀਕਾ ਦੀ ਕਈ ਕੰਪਨੀਆਂ ਨੇ ਕੋਰੋਨਾ ਖਤਮ ਹੋਣ ਤੋਂ ਬਾਅਦ ਵੀ ਆਪਣੇ ਕਰਮਚਾਰੀਆਂ ਨੂੰ ਘਰ ਤੋਂ ਕੰਮ ਦਿੱਤਾ ਹੈ। ਅਜਿਹੇ ’ਚ ਹਮੇਸ਼ਾ ਲਈ ਘਰ ਤੋਂ ਕੰਮ ਕਰਨ ਵਾਲੇ ਅਮਰੀਕੀ ਕਰਮਚਾਰੀ ਲਾਸ ਏਂਜਲਸ ਅਤੇ ਨਿਊਯਾਰਕ ਵਰਗੇ ਮਹਿੰਗੇ ਸ਼ਹਿਰਾਂ ਨੂੰ ਛੱਡ ਕੇ ਗੁਆਂਢੀ ਦੇਸ਼ ਮੈਕਸੀਕੋ ਦੀ ਰਾਜਧਾਨੀ ਮੈਕਸੀਕੋ ਸਿਟੀ ’ਚ ਰਹਿਣ ਲੱਗੇ ਹਨ। ਇੱਥੇ ਕਾਫ਼ੀ ਸਹੂਲਤਾਂ ਹਨ ਅਤੇ ਇਹ ਅਮਰੀਕੀ ਸ਼ਹਿਰਾਂ ਨਾਲੋਂ ਬਹੁਤ ਸਸਤਾ ਹੈ। ਅਮਰੀਕੀ ਸਟੇਟ ਵਿਭਾਗ ਦੇ ਅੰਕੜਿਆਂ ਅਨੁਸਾਰ ਮੈਕਸੀਕੋ ਵਿੱਚ 16 ਲੱਖ ਅਮਰੀਕੀ ਰਹਿ ਰਹੇ ਹਨ। ਮੈਕਸੀਕੋ ਸਰਕਾਰ ਦੇ ਅੰਕੜਿਆਂ ਮੁਤਾਬਕ ਇਸ ਸਾਲ ਜਨਵਰੀ ਤੋਂ ਮਈ ਤੱਕ ਦੇ 5 ਮਹੀਨਿਆਂ ’ਚ 53 ਲੱਖ ਅਮਰੀਕੀ ਹਵਾਈ ਯਾਤਰੀ ਮੈਕਸੀਕੋ ਪਹੁੰਚੇ ਹਨ। ਵੱਡੀ ਗਿਣਤੀ ਵਿੱਚ ਅਮਰੀਕਨ ਹੋਣ ਕਾਰਨ, ਇੱਥੇ ਮਕਾਨ ਮਾਲਕ ਕਿਰਾਏ ਲਈ ਪੁਰਾਣੇ ਮਕਾਨਾਂ ਦੀ ਮੁਰੰਮਤ ਕਰ ਰਹੇ ਹਨ।