Canada
80 ਫੀਸਦੀ ਕੈਨੇਡੀਅਨ ਨੇ ਓਮੀਕ੍ਰੋਨ ਦੇ ਖਤਰੇ ਕਾਰਨ ਛੁੱਟੀਆਂ ਵਿਚ ਯਾਤਰਾ ਦਾ ਪ੍ਰੋਗਰਾਮ ਕੀਤਾ ਰੱਦ : ਸਰਵੇ
ਅਲਬਰਟਾ (ਦੇਸ ਪੰਜਾਬ ਟਾਈਮਜ਼)- ਇਕ ਨਵੇਂ ਪੋਲ ਦੇ ਅਨੁਸਾਰ ਜ਼ਿਆਦਾਤਰ ਕੈਨੇਡੀਅਨ ਛੁੱਟੀਆਂ ਦੇ ਸਮੇਂ ਦੌਰਾਨ ਯਾਤਰਾ ਨਹੀਂ ਕਰਨਗੇ ਕਿਉਂਕਿ ਉੱਚ ਸੰਕਰਮਿਤ ਓਮੀਕ੍ਰੋਨ ਵੈਰੀਐਂਟ ਪੂਰੀ ਦੁਨੀਆਂ ਵਿਚ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਰੈੱਡ ਫਲੈਗ ਡੀਲਜ਼ ਡੌਟ ਕੋਮ ਵੱਲੋਂ ਵੀਰਵਾਰ ਨੂੰ ਪ੍ਰਕਾਸ਼ਿਤ ਕੀਤੇ ਗਏ ਇਕ ਸਰਵੇਖਣ ਵਿਚ 79 ਫੀਸਦੀ ਨੇ ਕਿਹਾ ਕਿ ਉਹ 2021 ਦੀਆਂ ਛੁੱਟੀਆਂ ਦੇ ਸੀਜ਼ਨ ਦੌੌਰਾਨ ਹਵਾਈ ਜਹਾਜ਼ ਰਾਹੀਂ ਯਾਤਰਾ ਕਰਨ ਦੀ ਯੋਜਨਾ ਨਹੀਂ ਬਣਾ ਰਹੇ ਹਨ ਪਰ ਲਗਭਗ 22 ਫੀਸਦੀ ਨੇ ਕਿਹਾ ਕਿ ਉਹ ਯਾਤਰਾ ਕਰਨਾ ਚਾਹੁੰਦੇ ਹਨ।
15 ਤੋਂ 20 ਦਸੰਬਰ ਤੱਕ ਕਰਵਾਏ ਗਏ ਆਨਲਾਈਨ ਸਰਵੇਖਣ ਵਿਚ 1157 ਲੋਕਾਂ ਨੇ ਹਿੱਸਾ ਲਿਆ। ਸਰਵੇਖਣ ਸਵਾਲ ਹਵਾਈ ਯਾਤਰਾ ’ਤੇ ਕੇਂਦਰਿਤ ਸਨ ਜਿਸ ਨੂੰ ਕੋਵਿਡ-19 ਦੇ ਸੰਦਰਭ ਵਿਚ ਕਰੂਜ਼ ਯਾਤਰਾ ਨਾਲੋਂ ਮੁਕਾਬਲਤਨ ਸੁਰੱਖਿਅਤ ਮੰਨਿਆ ਜਾਂਦਾ ਹੈ ਹਾਲਾਂਕਿ ਕਾਰ ਦੁਆਰਾ ਯਾਤਰਾ ਕਰਨ ਨਾਲੋਂ ਵਧੇਰੇ ਜੋਖਿਮ ਭਰਿਆ ਹੈ।
ਗੈਰ ਜ਼ਰੂਰੀ ਯਾਤਰਾ ਤੋਂ ਬਚਣ ਦੇ ਲਈ ਫੈਡਰਲ ਸਰਕਾਰ ਦੀ ਯਾਤਰਾ ਸਲਾਹਕਾਰ ਦੀ ਪਾਲਣਾ ਕਰਦਿਆਂ 31 ਫੀਸਦੀ ਉੱਤਰਦਾਤਾਵਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਓਮੀਕ੍ਰੋਨ ਦੇ ਖਤਰੇ ਕਾਰਨ ਆਪਣੀਆਂ ਉਡਾਣਾਂ ਰੱਦ ਕਰ ਦਿੱਤੀਆਾਂ ਹਨ। ਕੁਝ 63 ਫੀਸਦੀ ਨੇ ਕਿਹਾ ਕਿ ਉਹ ਇਸ ਕਾਰਨ ਨਵੀਆਂ ਉਡਾਣਾਂ ਬੁੱਕ ਕਰਨ ਤੋਂ ਝਿਜਕ ਰਹੇ ਹਨ। ਹਾਲਾਂਕਿ 70 ਫੀਸਦੀ ਨੇ ਕਿਹਾ ਕਿ ਉਹ ਓਮੀਕ੍ਰੋਨ ਵੈਰੀਐਂਟ ਜੋ ਕਿ ਕਈ ਦੇਸ਼ਾਂ ਵਿਚ ਡੈਲਟਾ ਵੈਰੀਐਂਟ ਦੀ ਜਗ੍ਹਾ ਲੈ ਚੁੱਕਾ ਹੈ, ਨੇ ਉਨ੍ਹਾਂ ਦੀਆਂ ਯਾਤਰਾ ਯੋਜਨਾਵਾਂ ਨੂੰ ਪ੍ਰਭਾਵਿਤ ਨਹੀਂ ਕੀਤਾ ਹੈ।