ਕੈਲਗਰੀ ਅਤੇ ਚੈਸਟਰਮਰੇ ਦਰਮਿਆਨ ਪਰਪਲ ਬੱਸ ਲਾਈਨ ਦਾ ਹੋਇਆ ਉਦਘਾਟਨ

ਕੈਲਗਰੀ (ਦੇਸ ਪੰਜਾਬ ਟਾਈਮਜ਼)-ਗੁਆਂਢੀ ਨਗਰ ਪਾਲਿਕਾ ਦੇ ਲਈ ਪਹਿਲੀ ਵਾਰ ਕੈਲਗਰੀ ਬੱਸ ਮਾਰਗ ਸੋਮਵਾਰ ਨੂੰ ਲਾਂਚ ਕੀਤਾ ਗਿਆ ਜਿਸ ਵਿਚ ਕੈਲਗਰੀ ਮੈਕਸ ਪਰਪਲ ਲਾਈਨ ਹੁਣ ਚੈਸਟਰਮਰੇ ਨੂੰ ਸੇਵਾਵਾਂ ਪ੍ਰਦਾਨ ਕਰ ਰਹੀ ਹੈ। ਕੈਲਗਰੀ ਦੇ ਪੂਰਬ ਵਿਚ ਸਥਿਤ ਚੈਸਟਰਮਰੇ ਵਿਚ ਕਈ ਨਵੇਂ ਸਟੇਸ਼ਨਾਂ ਦੇ ਲਈ ਕੈਲਗਰੀ ਵਿਚ ਈਸਟ ਹਿਲਸ ਸਟਾਪ ਦੇ ਪਿੱਛੇ ਚੱਲ ਕੇ ਦੋ ਸ਼ਹਿਰਾਂ ਨੂੰ ਜੋੜਦਾ ਹੈ। ਚੈਸਟਰਮਰੇ ਮੇਅਰ ਮਾਰਸ਼ਲ ਚਾਲਮਰਸ ਨੇ ਸਮਝਾਇਆ ਕਿ ਕਮਿਊਨਿਟੀਆਂ ਵਿਚਾਲੇ ਕੜੀ ਸੀਨੀਅਰ ਨਾਗਰਿਕਾਂ, ਵਿਦਿਆਰਥੀਆਂ ਅਤੇ ਸ਼ਹਿਰ ਦੇ ਯਾਤਰੀਆਂ ਦੇ ਲਈ ਪਹੁੰਚ ਵਿਚ ਸੁਧਾਰ ਕਰੇਗੀ।
ਚਾਲਮਰਸ ਅਤੇ ਕੈਲਗਰੀ ਦੇ ਮੇਅਰ ਨਾਹੀਦ ਨੈਂਸ਼ੀ ਨੇ ਮਿਲ ਕੇ ਇਕ ਨੀਲੇ ਰੰਗ ਦਾ ਰਿਬਨ ਕੱਟਿਆ ਜੋ ਬੱਸ ਦੇ ਦਰਵਾਜ਼ੇ ’ਚ ਲਟਕਿਆ ਹੋਇਆ ਸੀ ਜੋ ਬੱਸ ਮਾਰਗ ਦੇ ਸ਼ੁਭਆਰੰਭ ਅਤੇ ਗੁਆਂਢੀ ਸ਼ਹਿਰਾਂ ਦੇ ਵਿਚ ਯੋਜਨਾ ਦੇ ਅੰਤ ਦਾ ਪ੍ਰਤੀਕ ਸੀ।