ਕੋਰੋਨਾ ਵਾਇਰਸ ਕਾਰਨ ਇਟਲੀ ‘ਚ ਥੀਏਟਰ ਅਤੇ ਅਜਾਇਬ ਘਰ ਬੰਦ

ਇਟਲੀ ਨੇ ਵੱਧ ਰਹੇ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਕਾਰਨ ਦੇਸ਼ ਭਰ ਦੇ ਸਿਨੇਮਾ, ਥੀਏਟਰ ਤੇ ਅਜਾਇਬ ਘਰ ਬੰਦ ਕਰ ਦਿੱਤੇ ਹਨ। ਇਸ ਬਾਰੇ ਪ੍ਰਧਾਨ ਮੰਤਰੀ ਗਿਊਸੇਪੇ ਕੋਂਟੇ ਨੇ ਜਾਣਕਾਰੀ ਦਿੱਤੀ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਮੌਜੂਦਾ ਹਾਲਾਤ ਨੂੰ ਮੁੱਖ ਰੱਖਦਿਆਂ ਇਹ ਕਿਹਾ ਜਾ ਸਕਦਾ ਹੈ ਕਿ 3 ਅਪ੍ਰੈਲ ਤਕ ਉੱਤਰੀ ਇਟਲੀ ਦੇ 15 ਲੱਖ ਲੋਕ ਇਸ ਤੋਂ ਪ੍ਰਭਾਵਿਤ ਹੋ ਸਕਦੇ ਹਨ। ਸਰਕਾਰ ਨੇ ਇਸ ਤੋਂ ਪਹਿਲੇ ਦੇਸ਼ ਵਿਚਲੇ ਸਾਰੇ ਸਕੂਲ, ਨਾਈਟ ਕਲੱਬ ਅਤੇ ਕੈਸੀਨੋ ਬੰਦ ਕਰ ਦਿੱਤੇ ਹਨ। ਇਟਲੀ ‘ਚ ਹੁਣ ਤਕ ਕੋਰੋਨਾ ਵਾਇਰਸ ਕਾਰਨ 230 ਮੌਤਾਂ ਹੋ ਚੁੱਕੀਆਂ ਹਨ ਜੋਕਿ ਚੀਨ ਤੋਂ ਬਾਅਦ ਸਭ ਤੋਂ ਜ਼ਿਆਦਾ ਹਨ।