ਭਾਰਤੀ ਵਿਦਿਆਰਥੀਆਂ ਨੂੰ ਲੈ ਕੇ ਪਰਤੇ ਗਲੋਬਮਾਸਟਰ ਜਹਾਜ਼

ਨਵੀਂ ਦਿੱਲੀ-  ਯੂਕਰੇਨ ਵਿਚ ਫਸੇ ਭਾਰਤੀ ਵਿਦਿਆਰਥੀਆਂ ਨੂੰ ਲੈ ਕੇ ਏਅਰਫੋਰਸ ਦਾ ਪਹਿਲਾ ਸੀ-17 ਗੋਲਬਮਾਸਟਰ ਜਹਾਜ਼ ਵੀਰਵਾਰ ਤੜਕੇ ਹਿੰਡਨ ਏਅਰਬੇਸ ’ਤੇ ਉਤਰਿਆ। ਜਹਾਜ਼ ਨੇ ਰੋਮਾਨੀਆ ਦੇ ਬੁਖਾਰੇਸਟ ਤੋਂ ਉਡਾਣ ਭਰੀ ਸੀ। ਇਸ ਤੋਂ ਬਾਅਦ ਸਵੇਰੇ 8 ਵਜੇ ਤੱਕ ਦੋ ਹੋਰ ਸੀ-17 ਗਲੋਬਮਾਸਟਰ ਯੂਕਰੇਨ ਵਿਚ ਫਸੇ ਭਾਰਤੀਆਂ ਨੂੰ ਲੈ ਕੇ ਦਿੱਲੀ ਪਹੁੰਚ ਗਏ। ਦੂਜੇ ਜਹਾਜ਼ ਵਿਚ 220 ਅਤੇ ਤੀਜੇ ਜਹਾਜ਼ ਵਿਚ 208 ਭਾਰਤੀ ਦਿੱਲੀ ਪੁੱਜੇ। ਰੱਖਿਆ ਰਾਜ ਮੰਤਰੀ ਅਜੇ ਭੱਟ ਨੇ ਯਾਤਰੀਆਂ ਦਾ ਸੁਆਗਤ ਕੀਤਾ। ਉਧਰ, ਭਾਰਤ ਵਿਚ ਰੂਸੀ ਅੰਬੈਸੀ ਨੇ ਦਾਅਵਾ ਕੀਤਾ ਕਿ ਭਾਰਤੀ ਵਿਦਿਆਰਥੀਆਂ ਨੂੰ ਬੰਧਕ ਬਣਾ ਕੇ ਯੂਕਰੇਨ ਮਨੁੱਖੀ ਕਵਚ ਦੇ ਰੂਪ ਵਿਚ ਇਸਤੇਮਾਲ ਕਰ ਰਿਹਾ ਹੈ। ਹਾਲਾਂਕਿ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਅਜੇ ਤੱਕ ਅਜਿਹੀ ਕੋਈ ਰਿਪੋਰਟ ਨਹੀਂ ਹੈ।