International
ਚੀਨ ਨੇ ਹੋਰ ਭਾਰੂ ਕੀਤੀ ਪਾਕਿ ਕਰਜ਼ੇ ਦੀ ਪੰਡ
ਰੁਪਿਆਂ ਦੀ ਭਾਰੀ ਕਮੀ ਨਾਲ ਜੱਦੋਜਹਿਦ ਕਰ ਹਹੇ ਪਾਕਿਸਤਾਨ ਨੂੰ ਸਦਾਬਹਾਰ ਦੋਸਤ ਚੀਨ ਤੋਂ ਸੋਮਵਾਰ ਤਕ 2 ਅਰਬ ਡਾਲਰ ਦਾ ਨਵਾਂ ਕਰਜ਼ਾ ਮਿਲ ਜਾਵੇਗਾ। ਪਾਕਿਸਤਾਨ ਦੇ ਵਿੱਤ ਮੰਤਰਾਲਾ ਨੇ ਇਸ ਗੱਲ ਦਾ ਐਲਾਨ ਕੀਤਾ ਹੈ।
ਪਾਕਿਸਤਾਨ ਦੇ ਅਖ਼ਬਾਰ ‘ਡਾਨ’ ਮੁਤਾਬਕ ਮੰਤਰਾਲਾ ਦੇ ਸਲਾਹਕਾਰ ਤੇ ਬੁਲਾਰਾ ਖਕਾਨ ਖ਼ਾਨ ਨਜ਼ੀਬ ਖ਼ਾਨ ਨੇ ਕਿਹਾ ਕਿ ਚੀਨ ਤੋਂ ਮਿਲਣ ਵਾਲੇ 2.1 ਅਰਬ ਡਾਲਰ ਦੇ ਕਰਜ਼ੇ ਲਈ ਸਾਰੀ ਲੋੜੀਂਦੀਆਂ ਕਾਰਵਾਈਆਂ ਪੂਰੀਆਂ ਕਰ ਲਈਆਂ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ ਇਹ ਰਕਮ 25 ਮਾਰਚ ਤੱਕ ਸਟੇਟ ਬੈਂਕ ਆਫ਼ ਪਾਕਿਸਤਾਨ ਦੇ ਖ਼ਾਤੇ ਚ ਜਮ੍ਹਾ ਹੋ ਜਾਵੇਗੀ।
ਬੁਲਾਰੇ ਨੇ ਕਿਹਾ ਕਿ ਇਸ ਕਰਜ਼ੇ ਨਾਲ ਵਿਦੇਸ਼ ਮੁੱਦਰਾ ਭੰਡਾਰ ਮਜ਼ਬੂਤ ਹੋਵੇਗਾ ਤੇ ਭੁਗਤਾਨ ਦੇ ਹਾਲਾਤ ਦਾ ਸੰਤੁਲਨ ਪੱਕਾ ਹੋਵੇਗਾ। ਇਸ ਤੋਂ ਪਹਿਲਾਂ ਪਾਕਿਸਤਾਨ ਨੂੰ ਮਦਦ ਵਜੋਂ ਸਊਦੀ ਅਰਬ ਅਤੇ ਸੰਯੁਕਤ ਅਰਬ ਅਮੀਰਾਤ ਤੋਂ ਵੀ ਇਕ–ਇਕ ਅਰਬ ਡਾਲਰ ਮਿਲ ਚੁਕੇ ਹਨ।