ਕੈਨੇਡਾ ‘ਚ ਅਗਵਾ ਹੋਇਆ ਚੀਨੀ ਵਿਦਿਆਰਥੀ ਮਿਲਿਆ ਸੁਰੱਖਿਅਤ

ਓਂਟਾਰੀਓ, ਕੈਨੇਡੀਅਨ ਪੁਲਸ ਨੇ ਇਕ ਚੀਨੀ ਵਿਦਿਆਰਥੀ ਨੂੰ ਸੁਰੱਖਿਅਤ ਲੱਭ ਲਿਆ ਹੈ, ਜਿਸ ਨੂੰ ਅਗਵਾ ਕੀਤਾ ਗਿਆ ਸੀ। ਉਸ ਦੀ ਪਛਾਣ ਵੈਨਜ਼ਹੇਨ ਲੂ ਵਜੋਂ ਹੋਈ ਹੈ। ਕਾਂਸਟੇਬਲ ਐਂਡੀ ਪੈਟੇਨਡਨ ਨੇ ਦੱਸਿਆ ਕਿ ਉਸ ਨੂੰ ਹਲਕੀਆਂ ਸੱਟਾਂ ਲੱਗੀਆਂ ਹਨ ਅਤੇ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਹੈ। ਪੁਲਸ ਨੇ ਮੰਗਲਵਾਰ ਨੂੰ 35 ਸਾਲਾ ਵਿਅਕਤੀ ਨੂੰ ਹਿਰਾਸਤ ‘ਚ ਲਿਆ ਸੀ ਅਤੇ ਫਿਰ ਉਸ ਨੂੰ ਰਿਹਾਅ ਕਰ ਦਿੱਤਾ। ਪੁਲਸ ਨੂੰ 4 ਸ਼ੱਕੀਆਂ ਦੀ ਭਾਲ ਹੈ।
ਜਾਣਕਾਰੀ ਮੁਤਾਬਕ ਸ਼ਨੀਵਾਰ ਨੂੰ ਵੈਨਜ਼ਹੇਨ ਨੂੰ ਉਸ ਸਮੇਂ ਅਗਵਾ ਕੀਤਾ ਗਿਆ ਸੀ ਜਦ ਉਹ ਮਾਰਖਮ ਦੇ ਪਾਰਕਿੰਗ ਗੈਰੇਜ ‘ਚ ਸੀ। ਪੁਲਸ ਨੇ ਦੱਸਿਆ ਕਿ 22 ਸਾਲਾ ਵੈਨਜ਼ਹੇਨ ਨੇ ਆਪਣੀ ਗੱਡੀ ਪਾਰਕ ਕੀਤੀ ਅਤੇ ਇਕ ਦੋਸਤ ਨਾਲ ਪੈਦਲ ਜਾ ਰਿਹਾ ਸੀ। ਇਸ ਦੌਰਾਨ ਇਕ ਮਿੰਨੀ ਵੈਨ ‘ਚ ਬੈਠੇ ਅਗਵਾਕਾਰਾਂ ਨੇ ਉਸ ਨੂੰ ਘੇਰ ਕੇ ਖੜ੍ਹੇ ਹੋ ਗਏ। ਉਨ੍ਹਾਂ ਨੇ ਉਸ ਨੂੰ ਖਿੱਚ ਕੇ ਗੱਡੀ ‘ਚ ਸੁੱਟਿਆ, ਵੈਨਜ਼ਹੇਨ ਨੇ ਜਦ ਰੌਲਾ ਪਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਸ ਦੌਰਾਨ ਅਗਵਾਕਾਰਾਂ ਨੇ ਆਪਣੀ ਬੰਦੂਕ ਕੱਢ ਕੇ ਉਸ ਨੂੰ ਧਮਕਾਇਆ। ਵੈਨਜ਼ਹੇਨ ਨੂੰ ਜ਼ਬਰਦਸਤੀ ਗੱਡੀ ‘ਚ ਬੈਠਾ ਕੇ ਉਹ ਚਲੇ ਗਏ। ਫਿਲਹਾਲ ਪੁਲਸ ਵਲੋਂ ਸ਼ੱਕੀਆਂ ਦੀ ਭਾਲ ਕੀਤੀ ਜਾ ਰਹੀ ਹੈ।