ਬੇਅਦਬੀ ਅਤੇ ਗੋਲੀਕਾਂਡ ’ਚ SIT ਨੇ ਬਾਦਲ ਤੋਂ ਪੁੱਛੇ 30 ਸਵਾਲ

ਚੰਡੀਗੜ੍ਹ- 6 ਸਾਲ ਪਹਿਲਾਂ ਕੋਟਕਪੂਰਾ ਪੁਲਸ ਵੱਲੋਂ ਗੋਲੀਕਾਂਡ ਦੇ ਮਾਮਲੇ ਦੀ ਜਾਂਚ ਕਰ ਰਹੀ SIT ਨੇ ਮੰਗਲਵਾਰ ਨੂੰ ਢਾਈ ਘੰਟੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਤੋਂ ਪੁੱਛਗਿੱਛ ਕੀਤੀ।
ਬਾਦਲ ਤੋਂ ਪੁੱਛੇ ਗਏ ਮੁੱਖ ਸਵਾਲ
ਜਦੋਂ ਗੋਲੀਕਾਂਡ ਹੋਇਆ ਤਾਂ ਸਭ ਤੋਂ ਪਹਿਲਾਂ ਤੁਹਾਨੂੰ ਕਿਸ ਅਧਿਕਾਰੀ ਨੇ ਫੋਨ ਤੇ ਜਾਣਕਾਰੀ ਦਿੱਤੀ?
ਬਾਦਲ ਨੇ ਕਿਹਾ ਕਿ ਇਹ 2015 ਦੀ ਗੱਲ ਹੈ, ਕਈ ਸਾਲ ਬੀਤ ਚੁੱਕੇ ਹਨ, ਮੇਰੀ ਉਮਰ ਵੀ ਜ਼ਿਆਦਾ ਹੋ ਚੁੱਕੀ ਹੈ ਇਸ ਲਈ ਮੈਨੂੰ ਯਾਦ ਨਹੀਂ ਕਿ ਉਸ ਸਮੇਂ ਮੈਨੂੰ ਸਭ ਤੋਂ ਪਹਿਲਾਂ ਕਿਸ ਅਧਿਕਾਰੀ ਨੇ ਫੋਨ ਤੇ ਸੂਚਨਾ ਦਿੱਤੀ ਸੀ।
DGP ਸੁਮੇਧ ਸੈਣੀ ਜਾਂ ਆਈ। ਜੀ। ਉਮਰਾਨੰਗਲ ਇਨ੍ਹਾਂ ਵਿਚੋਂ ਕਿਸ ਨੇ ਤੁਹਾਨੂੰ ਫੋਨ ਕੀਤਾ ਸੀ?
ਮੇਰੇ ਕੋਲ ਗ੍ਰਹਿ ਵਿਭਾਗ ਨਹੀਂ ਸੀ ਪਰ ਸੁਮੇਧ ਸੈਣੀ DGP ਸਨ, ਮੈਂ ਦੱਸ ਨਹੀਂ ਸਕਦਾ ਕਿ ਮੈਨੂੰ ਉਸ ਸਮੇਂ ਕਿਸ ਦਾ ਫੋਨ ਆਇਆ ਸੀ?
ਕਿਨ੍ਹਾਂ ਅਫਸਰਾਂ ਨੂੰ ਜਾਂਚ ਦੇ ਹੁਕਮ ਦਿੱਤੇ ਸਨ?
ਜਿਵੇਂ ਕਿ ਮੈਂ ਪਹਿਲਾਂ ਹੀ ਕਿਹਾ ਕਿ ਮਾਮਲਾ ਕਾਫੀ ਪੁਰਾਣਾ ਹੈ, ਮੈਨੂੰ ਉਨ੍ਹਾਂ ਅਫਸਰਾਂ ਦੇ ਨਾਮ ਯਾਦ ਨਹੀਂ।
ਬੇਅਦਬੀ ਦੀ ਜਾਂਚ ਵਿਚ ਡੇਰਾ ਸੱਚਾ ਸੌਦਾ ਦੀ ਭੂਮਿਕਾ ਦੀ ਜਾਣਕਾਰੀ ਕਦੋਂ ਹੋਈ?
ਜਾਂਚ ਦੀ ਜ਼ਿੰਮੇਦਾਰੀ ਆਲਾ ਪੁਲਸ ਅਧਿਕਾਰੀਆਂ ਨੂੰ ਦਿੱਤੀ ਗਈ ਸੀ, ਉਹ ਹੀ ਇਸ ਬਾਰੇ ਦੱਸ ਸਕਦੇ ਹਨ, ਅਜੇ ਮੈਨੂੰ ਯਾਦ ਨਹੀਂ ਕਿ ਉਦੋਂ ਡੇਰੇ ਦਾ ਨਾਮ ਆਇਆ ਸੀ ਜਾਂ ਨਹੀਂ। ਮੈਂ ਤਾਂ ਪਾਰਦਰਸ਼ੀ ਜਾਂਚ ਦੇ ਹੁਕਮ ਦਿੱਤੇ ਸਨ।
ਸਾਨੂੰ ਉਮੀਦ ਹੈ ਕਿ ਤੁਸੀਂ SIT ਦਾ ਪੂਰਾ ਸਹਿਯੋਗ ਕਰੋਗੇ?
ਮੈਂ ਪੰਜ ਵਾਰ ਮੁੱਖ ਮੰਤਰੀ ਰਿਹਾ ਹਾਂ। ਮੈਂ ਆਪਣੀ ਜ਼ਿੰਮੇਵਾਰੀ ਚੰਗੀ ਤਰ੍ਹਾਂ ਨਾਲ ਸਮਝਦਾ ਹਾਂ। ਮੈਂ ਪਹਿਲਾਂ ਵੀ SITਦੇ ਸਵਾਲਾਂ ਦਾ ਜਵਾਬ ਦਿੱਤਾ ਹੈ। ਹੁਣ ਵੀ ਦੇ ਰਿਹਾ ਹਾਂ। ਕਿਸੇ ਤਰ੍ਹਾਂ ਦਾ ਇਨਕਾਰ ਨਹੀਂ ਹੈ। ਜਿੰਨਾ ਮੈਨੂੰ ਪਤਾ ਹੈ ਮੈਂ ਦੱਸ ਰਿਹਾ ਹਾਂ।