ਸਿਰਫ਼ ਦੋ ਦਿਨ ਬਾਕੀ; ਐਪਲ ਇਸ ਵਾਰ ਕਿਹੜੇ ਪ੍ਰੋਡੈਕਟ ਕਰੇਗੀ ਲਾਂਚ?

ਐਪਲ ਨੇ ਇਸ ਮਹੀਨੇ ਆਪਣੇ ਹੋਣ ਵਾਲੇ ਇਵੈਂਟ ਦਾ ਖੁਲਾਸਾ ਕੀਤਾ ਹੈ। ਇਸ ਵਾਰ ਪ੍ਰੋਗਰਾਮ ਨੂੰ ‘ਟਾਈਮ ਫਾਈਲਸ’ ਦਾ ਨਾਮ ਦਿੱਤਾ ਹੈ। ਕੰਪਨੀ ਦਾ ਇਹ ਪ੍ਰੋਗਰਾਮ 15 ਸਤੰਬਰ ਨੂੰ ਸਵੇਰੇ 10 ਵਜੇ ਸਥਾਨਕ ਸਮੇਂ ਅਨੁਸਾਰ ਸ਼ੁਰੂ ਹੋਵੇਗਾ। ਇਹ ਪ੍ਰੋਗਰਾਮ ਹਰ ਸਾਲ ਐਪਲ ਹੈੱਡਕੁਆਰਟਰ ਦੇ ਸਟੀਵ ਜੌਬਸ ਥੀਏਟਰ ਵਿੱਚ ਹੋਵੇਗਾ। ਇਸ ਵਾਰ ਇਵੈਂਟ ਵਰਚੁਅਲ ਕਰਵਾਇਆ ਜਾ ਰਿਹਾ ਹੈ ਅਤੇ ਇਹ ਪਹਿਲੀ ਵਾਰ ਹੈ ਜਦੋਂ ਕੰਪਨੀ ਇਕ ਵਰਚੁਅਲ ਪ੍ਰੋਗਰਾਮ ਦਾ ਆਯੋਜਨ ਕਰਨ ਜਾ ਰਹੀ ਹੈ।
ਐਪਲ ਦੇ ਹਰ ਸਾਲ ਹਜ਼ਾਰਾਂ ਲੋਕ ਇਸ ਸਮਾਰੋਹ ਵਿਚ ਸ਼ਾਮਲ ਹੁੰਦੇ ਸਨ, ਪਰ ਕੋਰੋਨਾ ਮਹਾਂਮਾਰੀ ਦੇ ਕਾਰਨ, ਇਸ ਵਾਰ ਡਿਵੈਲਪਰਾਂ ਨੂੰ ਵਰਚੁਅਲ ਈਵੈਂਟ ਨੂੰ ਰਾਂਹੀ ਸਬਰ ਦਾ ਘੁੱਟ ਭਰਨਾ ਪਵੇਗਾ॥ ਕੋਵਿਡ -19 ਦੇ ਕਾਰਨ, ਇਵੈਂਟ ‘ਤੇ ਸਸਪੈਂਸ ਵੀ ਸੀ ਹਾਲਾਂਕਿ, ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਇਹ ਈਵੈਂਟ ਕੰਪਨੀ ਅਗਲੀ ਪੀੜ੍ਹੀ ਦੇ ਆਈਫੋਨ 12 ਨੂੰ ਲਾਂਚ ਕਰੇਗੀ ਜਾਂ ਨਹੀਂ।
ਤੁਸੀਂ ਇਸ ਇਵੈਂਟ ਨੂੰ ਆਪਣੇ ਯੂਟਿਊਬ ‘ਤੇ ਦੇਖ ਸਕੋਗੇ। ਇਸਦੇ ਲਈ, ਕੰਪਨੀ ਨੇ ਲਾਈਵ ਈਵੈਂਟ ਦਾ ਵੀਡੀਓ ਲਿੰਕ ਸਾਂਝਾ ਕੀਤਾ ਹੈ। ਇਸ ਲਈ ਪਹਿਲਾਂ ਤੁਹਾਨੂੰ ਯੂਟਿਊਬ ‘ਤੇ ਐਪਲ ਦੇ ਪੇਜ ਤੇ ਜਾਣਾ ਪਏਗਾ ਅਤੇ ਤੁਹਾਨੂੰ ਲਾਈਵ ਵੀਡੀਓ ਦਾ ਲਿੰਕ ਇੱਥੇ ਮਿਲ ਜਾਵੇਗਾ। ਤੁਸੀਂ ਵੀਡੀਓ ਤੇ ਜਾ ਕੇ ਰੀਮਾਈਂਡਰ ਵੀ ਲਗਾ ਸਕਦੇ ਹੋ।
ਇਸ ਤੋਂ ਇਲਾਵਾ ਇਸ ਪ੍ਰੋਗਰਾਮ ਨੂੰ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ www.apple.com/apple-events ‘ਤੇ ਵੀ ਵੇਖਿਆ ਜਾ ਸਕਦਾ ਹੈ। ਤੁਸੀਂ ਆਪਣੇ ਸਮਾਰਟਫੋਨ ‘ਤੇ ਵੀ ਇਸ ਲਿੰਕ ਨੂੰ ਖੋਲ੍ਹ ਸਕਦੇ ਹੋ। ਕੰਪਨੀ ਨੇ ਇਸ ਬਾਰੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ ਕਿ ਇਹ ਵਰਚੁਅਲ ਈਵੈਂਟਸ ਕਦੋਂ ਤੱਕ ਚੱਲੇਗਾ।