International
ਵੈਨੇਜ਼ੁਏਲਾ ‘ਚ ਤਖ਼ਤਾਪਲਟ ਦੀ ਕੋਸ਼ਿਸ਼ ਦੇ ਦੋਸ਼ ਵਿੱਚ 17 ਗ੍ਰਿਫ਼ਤਾਰ
ਵੈਨਜ਼ੂਏਲਾ ਦੇ ਅਧਿਕਾਰੀਆਂ ਨੇ ਕਿਹਾ ਹੈ ਕਿ 30 ਅਪ੍ਰੈਲ ਨੂੰ ਤਖ਼ਤਾਪਲਟ ਦੀ ਕੋਸ਼ਿਸ਼ ਦੇ ਦੋਸ਼ ਵਿੱਚ 17 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਵੈਨੇਜ਼ੁਏਲਾ ਦੇ ਜਨਰਲ ਮੈਨੇਜਰ ਤਾਰੇਕ ਵਿਲੀਅਮ ਸਾਬ ਨੇ ਕਿਹਾ ਕਿ ਮੰਗਲਵਾਰ ਨੂੰ ਅਸਫ਼ਲ ਤਖ਼ਤਾਪਲਟ ਦੀ ਕੋਸ਼ਿਸ਼ਾਂ ਲਈ 34 ਲੋਕਾਂ ਲੋਕਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਸਾਬ ਨੇ ਇਹ ਗੱਲ ਮੰਗਲਵਾਰ ਨੂੰ ਜਨਵਰੀ ਤੋਂ ਮਈ ਤੱਕ ਦੀ ਜਨਤਕ ਮੰਤਰਾਲੇ ਦੀ ਕਾਰਵਾਈ ਸਮੀਖਿਆ ਨੂੰ ਪੇਸ਼ ਕਰਦੇ ਹੋਏ ਕਹੀ।ਸਮਾਚਾਰ ਏਜੰਸੀ ਦੀ ਰਿਪੋਰਟ ਅਨੁਸਾਰ ਉਨ੍ਹਾਂ ਨੇ ਮੰਤਰਾਲੇ ਦੇ “ਲੋਕਤਾਂਤਰਿਕ ਸਥਿਰਤਾ ਅਤੇ ਸ਼ਾਂਤੀ ਨੂੰ ਬਣਾਈ ਰੱਖਣ ਵਿੱਚ ਅਹਿਮ ਭੂਮਿਕਾ” ਦੀ ਸ਼ਲਾਘਾ ਕੀਤੀ। ਸਾਬ ਨੇ ਪਹਿਲਾਂ ਕਿਹਾ ਸੀ ਕਿ ਇਹ ਤਖ਼ਤਾਪਲਟ ਵਿਰੋਧੀ ਧਿਰ ਲੀਓਪੋਲਡੋ ਲੋਪੇਜ਼ ਅਤੇ ਜੁਆਨ ਗੁਏਡੋ ਵੱਲੋਂ ਕੀਤਾ ਗਿਆ ਸੀ ਜਦਕਿ ਧੋਖੇਬਾਜ਼ ਸਿਪਾਹੀਆਂ ਦਾ ਉਨ੍ਹਾਂ ਨੂੰ ਸਮਰੱਥਨ ਸੀ। ਸਾਬ ਨੇ ਕਿਹਾ ਕਿ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਵਿਰੁਧ ਅਗਸਤ 2018 ‘ਚ ਅਸਫ਼ਲ ਕਤਲ ਦੀ ਕੋਸ਼ਿਸ਼ ਦੇ ਮਾਮਲੇ ਵਿੱਚ 38 ਲੋਕਾਂ ਉਤੇ ਦੋਸ਼ ਲਾਏ ਗਏ ਹਨ ਅਤੇ ਉਨ੍ਹਾਂ ਵਿੱਚੋਂ 31 ਨੂੰ ਜੇਲ੍ਹ ਵਿੱਚ ਸੁੱਟ ਦਿੱਤਾ ਗਿਆ ਹੈ।