ਅਮਰੀਕਾ ਵਿਚ ਜ਼ਰੂਰੀ ਚੀਜ਼ਾਂ ਖਰੀਦਣ ਲਈ ਲੋਕਾਂ ‘ਚ ਹੋੜ ਲੱਗੀ, ਟਰੰਪ ਨੇ ਕਿਹਾ – ਘਬਰਾਓ ਨਾ

ਯੂਰਪੀਅਨ ਦੇਸ਼ਾਂ ਵਿੱਚ ਲੱਗੀਆਂ ਪਾਬੰਦੀਆਂ ਵੇਖ ਕੇ ਅਮਰੀਕਾ ਦੇ ਲੋਕ ਵੀ ਘਬਰਾ ਗਏ ਹਨ, ਕੋਰੋਨਾ ਵਿਸ਼ਵ ਵਿੱਚ ਤਬਾਹੀ ਰੁਕਣ ਦਾ ਨਾਮ ਨਹੀਂ ਲੈ ਰਹੀ ਹੈ। ਅਮਰੀਕਾ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ, ਕੋਰੋਨਾ ਦੇ 122 ਨਵੇਂ ਕੇਸ ਸਾਹਮਣੇ ਆਏ ਹਨ ਅਤੇ ਪੀੜ੍ਹਤ ਲੋਕਾਂ ਦੀ ਕੁੱਲ ਸੰਖਿਆ 3802 ਹੋ ਗਈ ਹੈ। ਯੂਰਪ ਦੇ ਕਈ ਸ਼ਹਿਰਾਂ ਵਿਚ ਪਾਬੰਧੀਆਂ ਦੀ ਸਥਿਤੀ ਦੇ ਮੱਦੇਨਜ਼ਰ, ਅਮਰੀਕੀ ਲੋਕ ਵੀ ਘਬਰਾਹਟ ਵਿਚ ਹਨ ਅਤੇ ਲੋਕਾਂ ਵਿਚ ਰੋਜ਼ਾਨਾ ਸਮਾਨ ਖਰੀਦਣ ਦੀ ਹੋੜ ਲੱਗੀ ਹੋਈ ਹੈ । ਜਾਣਕਾਰੀ ਅਨੁਸਾਰ, ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਬੇਲੋੜਾ ਸਮਾਨ ਖਰੀਦਣ ਅਤੇ ਇਸ ਨੂੰ ਜਮ੍ਹਾ ਨਾ ਕਰਨ। ਟਰੰਪ ਨੇ ਕਿਹਾ ਕਿ ਦੇਸ਼ ਦੀ ਸਪਲਾਈ ਪ੍ਰਣਾਲੀ ਵਿਸ਼ਵ ਵਿਚ ਸਭ ਤੋਂ ਮਜ਼ਬੂਤ ਹੈ ਅਤੇ ਰੋਜ਼ਾਨਾ ਵਰਤੋਂ ਲਈ ਜ਼ਰੂਰੀ ਚੀਜ਼ਾਂ ਦੀ ਕੋਈ ਘਾਟ ਨਹੀਂ ਹੈ। ਇਸ ਸਥਿਤੀ ਵਿਚ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਐਤਵਾਰ ਨੂੰ, ਅਮਰੀਕੀ ਮੀਡੀਆ ਅਖਬਾਰਾਂ ਅਤੇ ਟੀਵੀ ਚੈਨਲਾਂ ਤੇ ਦਿਖਾਈਆਂ ਗਈਆਂ ਵੀਡੀਓ ਵਿੱਚ ਕਰਿਆਨੇ ਦੀਆਂ ਦੁਕਾਨਾਂ ਦੀਆਂ ਖਾਲੀ ਅਲਮਾਰੀਆਂ ਦਿਖਾਈਆਂ ਗਈਆਂ।