International
ਮੁਫ਼ਤ ‘ਚ ਲੋਕਾਂ ਦਾ ਢਿੱਡ ਭਰ ਰਿਹੈ ਸਿੱਖ-ਅਮਰੀਕੀ ਵਿਅਕਤੀ ਦਾ ‘ਸੇਵਾ ਟਰੱਕ’
ਵਾਸ਼ਿੰਗਟਨ ਡੀ.ਸੀ. ਵਿੱਚ ਰਹਿਣ ਵਾਲਾ ਇੱਕ ਸਿੱਖ-ਅਮਰੀਕੀ ਵਿਅਕਤੀ ਇੱਕ ‘ਸੇਵਾ ਟਰੱਕ’ ਚਲਾਉਂਦਾ ਹੈ, ਜਿਸ ਰਾਹੀਂ ਉਹ ਲੋੜਵੰਦ ਸਕੂਲਾਂ ਅਤੇ ਸਮਾਜ ਸੇਵੀ ਸੰਸਥਾਵਾਂ ਸਣੇ ਸਥਾਨਕ ਭਾਈਚਾਰਿਆਂ ਦੇ ਲੋਕਾਂ ਨੂੰ ਮੁਫ਼ਤ ਭੋਜਨ ਭੇਜਦਾ ਹੈ। ਅਮਰੀਕਨ ਬਾਜ਼ਾਰ ਨੇ ਸ਼ੁੱਕਰਵਾਰ (6 ਦਸੰਬਰ) ਨੂੰ ਖ਼ਬਰ ਦਿੱਤੀ ਕਿ ਵਾਸ਼ਿੰਗਟਨ ਡੀ.ਸੀ. ਕੇ ਸੰਨੀ ਕੱਕੜ ਨੇ ਇੱਕ ਪੁਰਾਣਾ ਫੇਡਐਕਸ ਟਰੱਕ ਖ਼ਰੀਦਿਆ, ਇਸ ਨੂੰ ਸੰਤਰੀ ਰੰਗ ਵਿੱਚ ਰੰਗਿਆ ਅਤੇ ਆਪਣਾ ‘ਸੇਵਾ ਟਰੱਕ’ ਚਲਾਉਣਾ ਸ਼ੁਰੂ ਕਰ ਦਿੱਤਾ।ਉਨ੍ਹਾਂ ਦੀ ਪਹਿਲ ਵਿਸ਼ੇਸ਼ ਤੌਰ ‘ਤੇ ਬੱਚਿਆਂ ਦੀ ਸਹਾਇਤਾ ਕਰਦੀ ਹੈ। ਆਪਣੀ ਸ਼ੁਰੂਆਤ ਤੋਂ ਬਾਅਦ ਸਿਰਫ ਤਿੰਨ ਸਾਲਾਂ ਵਿੱਚ ਟਰੱਕ ਨਾ ਸਿਰਫ ਇਲਾਕੇ ਦਾ ‘ਮਾਣ’ ਬਣ ਗਿਆ ਹੈ, ਬਲਕਿ 20,000 ਤੋਂ ਵੱਧ ਲੋਕਾਂ ਨੂੰ ਭੋਜਨ ਦੇ ਰਿਹਾ ਹੈ। ਕੱਕੜ ਨੇ ਵਿਚਾਰ ਕੀਤਾ ਕਿ ਜਦੋਂ ਉਸ ਨੇ ਇਸ ਦੀ ਸ਼ੁਰੂਆਤ ਕੀਤੀ ਸੀ ਤਾਂ ਅਜਿਹੀ ਪਹਿਲ ਦੀ ਜ਼ਰੂਰਤ ਸੀ ਪਰ “ਅਸੀਂ ਭਵਿੱਖ ਵਿੱਚ ਅਜਿਹਾ ਨਾ ਕਰਨ ਦੀ ਉਮੀਦ ਕਰਦੇ ਹਾਂ।”ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਉਮੀਦ ਕਰਦੇ ਹਾਂ ਕਿ ਸੇਵਾ ਟਰੱਕ ਦੀ ਜ਼ਰੂਰਤ ਨਹੀਂ ਪਵੇਗੀ, ਕਿਉਂਕਿ ਅਸੀਂ ਆਸ ਕਰਦੇ ਹਾਂ ਕਿ ਸਮਾਜ ਉਸ ਪੜਾਅ ‘ਤੇ ਪਹੁੰਚ ਜਾਵੇਗਾ ਜਿਥੇ ਉਹ ਆਪਣੀ ਸੇਵਾ ਕਰਨ ਬਾਰੇ ਨਹੀਂ ਸੋਚਦੀ, ਬਲਕਿ ਵਧੇਰੇ ਮਕਸਦ ਦੀ ਸੇਵਾ ਕਰੇਗੀ। ਕੱਕੜ ਨੇ ਕਿਹਾ ਕਿ ਜਿਨ੍ਹਾਂ ਸਕੂਲਾਂ ਵਿੱਚ ਪਿਛਲੇ ਤਿੰਨ ਸਾਲਾਂ ਤੋਂ ਟਰੱਕ ਨਿਯਮਤ ਰੂਪ ਵਿੱਚ ਭੋਜਨ ਸਪਲਾਈ ਕਰ ਰਿਹਾ ਹੈ, ਉੱਥੇ ਵਿਦਿਆਰਥੀਆਂ ਦੀ ਹਾਜ਼ਰੀ ਵਿੱਚ 30 ਫ਼ੀਸਦੀ ਵਾਧਾ ਹੋਇਆ ਹੈ। ਸਫ਼ਲਤਾ ਤੋਂ ਉਤਸ਼ਾਹਤ, ਕੱਕੜ ਨੇ ਮਿਸ਼ਿਗਨ ਵਿੱਚ ਵੀ ਇਹ ਪਹਿਲ ਸ਼ੁਰੂ ਕੀਤੀ ਹੈ ਅਤੇ ਆਸ ਹੈ ਕਿ ਇਸ ਪਹਿਲ ਨੂੰ ਦੇਸ਼ ਭਰ ਵਿੱਚ ਫੈਲਾਉਣ ਦੀ ਉਮੀਦ ਹੈ।