International

ਕੈਲੀਫੋਰਨੀਆ ’ਚ ਜਨਮੀ ਬੱਚੀ, ਵਜ਼ਨ ਪਾਈਆ ਵੀ ਨਹੀਂ

ਕੈਲੀਫੋਰਨੀਆ ਦੇ ਸੈਨ ਡਿਏਗੋ ਸਥਿਤ ਇਕ ਹਸਪਤਾਲ ਨੇ ਦੁਨੀਆ ਦੀ ਸਭ ਤੋਂ ਘੱਟ ਵਜ਼ਨ ਵਾਲੀ ਬੱਚੀ ਦੇ ਜੀਵਤ ਬਚਣ ਦਾ ਖੁਲਾਸਾ ਕੀਤਾ, ਜਿਸਦਾ ਜਨਮ ਸਮੇਂ ਵਜ਼ਨ ਕੇਵਲ 245 ਗ੍ਰਾਮ ਸੀ। ਡਾਕਟਰ ਦਾ ਕਹਿਣਾ ਹੈ ਕਿ ਬਹੁਤ ਘੱਟ ਵਜ਼ਨ ਵਾਲੀ ਬੱਚੀ ਦਾ ਜੀਵਤ ਬੱਚਣਾ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ। ਹਸਪਤਾਲ ਨੇ ਬੱਚੀ ਨੂੰ ਘਰ ਭੇਜਣ ਬਾਅਦ ਇਹ ਜਾਣਕਾਰੀ ਦਿੱਤੀ। ਅਮਰੀਕਾ ਦੀ ਆਈਓਵਾ ਯੂਨੀਵਰਸਿਟੀ ਦੀ ਟਾਈਨਿਏਸਟਾ ਬੇਬੀਜ਼ ਰਜਿਸਟਰੀ ਵਿਚ ਉਸ ਨੂੰ ਦੁਨੀਆ ਦਾ ਸਭ ਤੋਂ ਘੱਟ ਵਜਨ ਦਾ ਜੀਵਤ ਨਵਜਾਤ ਦੱਸਿਆ ਹੈ। ਜਨਮ ਸਮੇਂ ਕੇਵਲ 245 ਗ੍ਰਾਮ ਵਜ਼ਨ ਅਤੇ ਸੇਬ ਤੋਂ ਵੀ ਛੋਟੇ ਆਕਾਰ ਦੀ ਇਸ ਬੱਚੀ ਦਾ ਨਾਮ ਬੇਬੀ ਸੇਬਾਈ ਰੱਖਿਆ ਹੈ।
23ਵੇਂ ਹਫਤੇ ਦਿੱਤਾ ਸੀ ਜਨਮ
ਕੈਲੀਫੋਰਨੀਆ ਦੇ ਸੈਨ ਡਿਏਗੋ ਦੇ ਸ਼ਾਰਪ ਮੈਰੀ ਬਿਰਚ ਹਸਪਤਾਲ ਵੱਲੋਂ ਜਾਰੀ ਬਿਆਨ ਮੁਤਾਬਕ, ਬੇਬੀ ਸੇਬਾਈ ਦੀ ਮਾਂ ਨੂੰ ਦਰਦ ਵਧ ਜਾਣ ਬਾਅਦ ਦਸੰਬਰ, 2018 ਵਿਚ ਐਮਰਜੈਂਸੀ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਐਮਰਜੈਂਸੀ ਸਿਜੇਰੀਅਨ ਤਰੀਕੇ ਨਾਲ ਬੇਬੀ ਸੇਬਾਈ ਦੀ ਮਾਂ ਨੂੰ ਦਰਦ ਵਧ ਜਾਣ ਬਾਅਦ ਦਸੰਬਰ, 2018 ਵਿਚ ਐਮਰਜੈਂਸੀ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਐਮਰਜੈਂਸੀ ਸਿਜੇਰੀਅਨ ਤਰੀਕੇ ਨਾਲ ਬੇਬੀ ਸੇਬਾਈ ਦਾ ਜਨਮ 23 ਹਫਤੇ ਅਤੇ ਤਿੰਨ ਦਿਨ ਦਾ ਹੋਇਆ ਸੀ, ਜਦੋਂ ਕਿ ਆਮ ਗਰਭਅਵਸਥਾ 40 ਹਫਤਿਆਂ ਦੀ ਹੁੰਦੀ ਹੈ। ਇਸਦੇ ਚਲਦੇ ਡਾਕਟਰਾਂ ਨੇ ਪਹਿਲਾਂ ਹੀ ਬੱਚੇ ਦੇ ਮਾਤਾ–ਪਿਤਾ ਨੂੰ ਦੱਸ ਦਿੱਤਾ ਸੀ, ਕਿ ਉਨ੍ਹਾਂ ਕੋਲ ਤੁਹਾਡੀ ਬੇਟੀ ਨੂੰ ਦੇਖਣ ਲਈ ਸਿਰਫ ਇਕ ਘੰਟਾ ਹੈ, ਕਿਉਂਕਿ ਐਨੇ ਘੱਟ ਵਜ਼ਨ ਵਾਲੇ ਬੱਚੇ ਦਾ ਬਚਣਾ ਲਗਭਗ ਨਾਮੁਮਕਿਨ ਹੁੰਦਾ ਹੈ।

ਹਸਪਤਾਲ ਨੇ ਬੱਚੀ ਦੀ ਮਾਂ ਦਾ ਇਕ ਵੀਡੀਓ ਜਾਰੀ ਕੀਤਾ ਹੈ, ਜਿਸ ਵਿਚ ਬੱਚੀ ਦੀ ਮਾਂ ਨੇ ਦੱਸਿਆ ਕਿ ਡਾਕਟਰ ਨੇ ਬੱਚੀ ਦੇ ਇਕ ਘੰਟੇ ਤੋਂ ਜ਼ਿਆਦਾ ਬੱਚਣ ਦੀ ਸੰਭਾਵਨਾ ਨਹੀਂ ਪ੍ਰਗਟਾਈ ਸੀ। ਹਾਲਾਂਕਿ, ਡਾਕਟਰ ਦੀ ਕੋਸ਼ਿਸ਼ ਨਾਲ ਬੱਚੀ ਪਹਿਲੇ ਦੋ ਘੰਟੇ, ਫਿਰ ਕੁਝ ਦਿਨ ਅਤੇ ਇਸ ਦੇ ਬਾਅਦ ਕੁਝ ਹਫਤਿਆਂ ਤੱਕ ਜੀਵਤ ਬਚ ਗਈ। ਹਸਪਤਾਲ ਦੇ ਆਈਸੀਯੂ ਵਿਚ ਪੰਜ ਮਹੀਨੇ ਤੱਕ ਰੱਖਣ ਬਾਅਦ ਇਸਦਾ ਵਜ਼ਨ 2.2 ਕਿਲੋ ਤੱਕ ਪਹੁੰਚ ਗਿਆ। ਹਾਲ ਹੀ ਵਿਚ ਬੇਬੀ ਸੇਬਾਈ ਨੇ ਸਿਹਤਮੰਦ ਹੋਣ ਬਾਅਦ ਉਸ ਨੂੰ ਹਸਪਤਾਲ ਵਿਚੋਂ ਘਰ ਲੈ ਆਈ ਹਾਂ।

Show More

Related Articles

Leave a Reply

Your email address will not be published. Required fields are marked *

Close