Canada
ਕੈਨੇਡੀਅਨ ਆਰਮਡ ਫ਼ੋਰਸੇਜ਼ ਨੇ ਪ੍ਰਧਾਨ ਮੰਤਰੀ ਟ੍ਰੂਡੋ ਨੂੰ ਦਿੱਲਿਓਂ ਲੈਣ ਲਈ ਇੱਕ ਹੋਰ ਜਹਾਜ਼ ਕੀਤਾ ਰਵਾਨਾ
ਕੈਨੇਡੀਅਨ ਆਰਮਡ ਫ਼ੋਰਸੇਜ਼ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟ੍ਰੂਡੋ ਨੂੰ ਦਿੱਲਿਓਂ ਲੈਣ ਲਈ ਇੱਕ ਹੋਰ ਜਹਾਜ਼ ਰਵਾਨਾ ਕੀਤਾ ਹੈ। ਦਰਅਸਲ ਜਿਸ ਜਹਾਜ਼ ਵਿਚ ਟ੍ਰੂਡੋ ਦਿੱਲੀ ਪਹੁੰਚੇ ਸਨ, ਉਸ ਵਿਚ ਕੋਈ ਤਕਨੀਕੀ ਖ਼ਰਾਬੀ ਆ ਗਈ ਸੀ। ਜੀ-20 ਸੰਮੇਲਨ ਦੀ ਸਮਾਪਤੀ ਤੋਂ ਬਾਅਦ ਵੀ ਜਹਾਜ਼ ਦੀ ਖ਼ਰਾਬੀ ਕਰਕੇ ਟ੍ਰੂਡੋ ਅਤੇ ਕੈਨੇਡੀਅਨ ਵਫ਼ਦ ਦਿੱਲੀ ਵਿਚ ਹੀ ਅਟਕ ਗਏ।
ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਕਿਹਾ ਕਿ ਟ੍ਰੂਡੋ ਬੁੱਧਵਾਰ ਤੋਂ ਓਨਟੇਰਿਓ ਦੇ ਲੰਡਨ ਵਿਚ ਸ਼ੁਰੂ ਹੋ ਰਹੀ ਲਿਬਰਲ ਕੌਕਸ ਦੀ ਬੈਠਕ ਵਿਚ ਪਹੁੰਚਣਾ ਚਾਹੁੰਦੇ ਹਨ ਅਤੇ ਕੈਨੇਡੀਅਨ ਫ਼ੌਜ ਵਫ਼ਦ ਨੂੰ ਜਲਦੀ ਕੈਨੇਡਾ ਵਾਪਸ ਲਿਆਉਣ ਲਈ ਹਰ ਹੀਲਾ ਕਰ ਰਹੀ ਹੈ।