ਅਮਰੀਕਾ ਦੇ ਉਟਾਹ ਵਿਚ ਰੇਤੀਲੇ ਤੂਫਾਨ ਕਾਰਨ 22 ਗੱਡੀਆਂ ਆਪਸ ਵਿਚ ਟਕਰਾਈਆਂ, 8 ਦੀ ਮੌਤ

ਕਨੋਸ਼- ਅਮਰੀਕਾ ਦੇ ਉਟਾਹ ਵਿਚ ਰੇਤੀਲੇ ਤੂਫਾਨ ਦੇ ਕਾਰਨ 22 ਵਾਹਨਾਂ ਦੇ ਇਕ ਦੂਜੇ ਨਾਲ ਟਕਰਾਉਣ ਨਾਲ ਘੱਟੋ ਘੱਟ 8 ਲੋਕਾਂ ਦੀ ਮੌਤ ਹੋ ਗਈ। ਉਟਾਹ ਹਾਈਵੇ ਪੈਟਰੋਲ ਨੇ ਦੱਸਿਆ ਕਿ ਕਨੋਸ਼ ਦੇ ਨੇੜੇ ਇੰਟਰਨੈੱਟ 15 ’ਤੇ ਐਤਵਾਰ ਦੁਪਹਿਰ ਇਹ ਗੱਡੀਆਂ ਆਪਸ ਵਿਚ ਟਕਰਾਈਆਂ। ਵਾਹਨਾਂ ਦੇ ਟਕਰਾਉਣ ਦੇ ਕਾਰਨ 4 ਬੱਚਿਆਂ ਸਮੇਤ ਘੱਟੋ ਘੱਟ 8 ਲੋਕਾਂ ਦੀ ਮੌਤ ਹੋ ਗਈ। ਏਜੰਸੀ ਨੇ ਦੱਸਿਆ ਕਿ ਇਸ ਦੇ ਇਲਾਵਾ 10 ਲੋਕਾਂ ਨੂੰ ਹਸਪਤਾਲ ਭਰਤੀ ਕਰਵਾਇਆ ਗਿਆ ਹੈ ਜਿਨ੍ਹਾਂ ਵਿਚੋਂ 3 ਦੀ ਹਾਲਤ ਗੰਭੀਰ ਹੈ।
ਉਟਾਹ ਹਾਈਵੇ ਪੈਟਰੋਲ ਨੇ ਦੱਸਿਆ ਕਿ ਰੇਤੀਲੇ ਤੂਫਾਨ ਦੇ ਕਾਰਨ ਦੇਖਣ ਦਾ ਪੱਧਰ ਘੱਟ ਹੋਣ ਕਾਰਨ ਵਾਹਨ ਆਪਸ ਵਿਚ ਟਕਰਾ ਗਏ ਸਨ। ਇਕ ਸਮਾਚਾਰ ਬਿਆਨ ਵਿਚ ਦੱਸਿਆ ਗਿਆ ਕਿ ਹਾਦਸੇ ਵਿਚ ਜਿਨ੍ਹਾਂ ਲੋਕਾਂ ਦੀ ਮੌਤ ਹੋਈ ਹੈ ਉਨ੍ਹਾਂ ਵਿਚੋਂ ਪੰਜ ਲੋਕ ਇਕ ਹੀ ਵਾਹਨ ਵਿਚ ਸਵਾਰ ਸਨ ਜਦੋਂਕਿ ਦੋ ਹੋਰ ਲੋਕ ਇਕ ਹੋਰ ਵਾਹਨ ਵਿਚ ਸਵਾਰ ਸਨ।